पुण्यश्लोक राजमाता अहिल्यादेवी होळकर यांची २९७ मुदखेड शहरात उत्साहात साजरी

 संपादक आशिष मुगटकर


मुदखेड तालुका / प्रतिनिधी

आज मुदखेड शहरात ठीक सकाळी ११ वाजता नांदेड रोड लगत पुण्यश्लोक राजमाता अहिल्यादेवी होळकर यांच्या नियोजित जागेच्या ठिकाणी विधीवत पूजन करून अभिवादन करून राजमाता अहिल्यादेवी होळकर यांच्या जीवनावर माजी उपाध्यक्ष तथा माजी सैनिक लक्ष्मण देवदे यांच्या सह इतर मान्यवरांनी प्रकाश टाकताना त्यांच्या कार्याची प्रशंसा केली व तसेच शहरातील इतर ही प्रशासकीय कार्यालये मध्ये सुध्दा जयंती साजरी करण्यात आली.

या वेळी धनगर समाजाचे माजी उपाध्यक्ष तथा माजी सैनिक लक्ष्मण देवदे , राष्ट्रपती पुरस्कार प्राप्त खंडेराव वड्डे, माजी नगरसेवक संजय आऊलवार, भाजपा अनुसूचित जाती मराठवाडा प्रभारी प्रवीण गायकवाड,सेवानिवृत्त पोलिस अधिकारी राम देवदे नांदेड जिल्हा ओबीसी उपाध्यक्ष  गोविंद गोपनपल्ले,भुजंग फुले, मारुती कमजळे ,शिवाजी बिस्मीले, मारुती गुंठे, वामन गुंठे, गजू संभोड ,बालाजी वडे ,कोंडीबा इरपे, अशोक रेड्डेवर, ऋषी पारवेकर, भाजपा शहराध्यक्ष मुन्ना चांडक ,भगवान पानेवार , शिवसेना शहर प्रमुख सचिन चंद्रे ,सुरज बिस्मिल्ले, पिंटू संबोड , पांडुरंग कमजळे, प्रसाद गुंठे , बालाजी गरपल्ले गीतेश गुंठे,संतोष फुले,दत्ता वत्ते, मसनाजी वत्ते, गजू संबोड,प्रवीण  फुले,मोईन फुलारी,पत्रकार संजय कोलते, ईश्वर पिन्नलवर,अतीक अहमद, सिद्धार्थ चौदंते, धम्मा कांबळे, अब्दुल रजाक सहित धनगर समाज बांधवांची मोठ्या संख्येने  उपस्थिती होती.

पुण्यश्लोक अहिल्यादेवी होळकर यांच्या जयंतीनिमित्त ३१ मे रोजी भव्य मोटारसायकल रॅली व ५ जुन रोजी अभिवादन सभेचे आयोजन.

 हजारोंच्या संख्येने सहभागी व्हा ; जन्मोत्सव समितीचे आवाहन


नांदेड जिल्हा/प्रतिनिधी 

 छत्रपती शिवाजी महाराजांच्या स्वराज्य संकल्पनेला भारतभर विस्तारीत करणाऱ्या पुण्यश्लोक महाराणी अहिल्यादेवी होळकर यांच्या २९७ व्या जयंतीनिमित्त पुण्यश्लोक अहिल्यादेवी होळकर सार्वजनिक जन्मोत्सव समिती, नांदेडच्या वतिने ३१ मे रोजी भव्य मोटारसायकल रॅली आणि ५ जुन रोजी अभिवादन सभेचे आयोजन करण्यात आले आहे.



३१ मे रोजी भव्य मोटारसायकल रॅलीची सुरुवात सकाळी १० वा. शिव मंदिर, चैतन्य नगर, नांदेड येथुन होणार आहे. या मोटारसायकल रॅलीचे उद्घाटक म्हणून आमदार बालाजी कल्याणकर तर यावेळी डॉ. राम मदने यांची प्रमुख उपस्थिती राहणार आहे. या रॅलीच्या समारोप गोपाळचावडी येथील पुण्यश्लोक अहिल्यादेवी होळकर यांच्या पुतळ्याजवळ होणार आहे. याचं ठिकाणी समारोप सभा होणार आहे. या समारोप सभेला आमदार मोहन हंबर्डे, अमरनाथ राजूरकर हे उपस्थित राहणार आहेत. सभे नंतर अन्नदानाचा कार्यक्रम पार पडणार आहे. 

दि.५ जुन रोजी अभिवादन सभेचे आयोजन करण्यात आले आहे. या कार्यक्रमाच्या अध्यक्षस्थानी डॉ यशपाल भिंगे हे राहणार आहेत तर प्रमुख उद्घाटक म्हणून पालकमंत्री अशोकराव चव्हाण, मुख्य व्याख्याते म्हणून होळकरशाहीचे अभ्यासक रामभाऊ लांडे (अंबड जि. जालना), विशेष अतिथी म्हणून राज्यमंत्री दत्तामामा भरणे, खा. प्रताप पाटील चिखलीकर, खा. फौजिया खान, विकास महात्मे तर प्रमुख पाहुणे म्हणून बालाजी कल्याणकर, मोहन हंबर्डे, अमरनाथ राजूरकर, जितेश अंतापुरकर, जयश्रीताई पावडे तर छत्रपती कानोडे, माणिकराव लोहगावे, चंद्रसेन पाटील, विजय पाटील, दिलीप बंदखडके, गंगाप्रसाद काकडे, बबन वाघमारे, राजु गोरे, सखाराम तुप्पेकर, लक्ष्मणराव देवदे यांच्या प्रमुख उपस्थितीत कार्यक्रम पार पडणार आहे तरीही दोन्ही कार्यक्रमांस अहिल्याप्रेंमीनी जास्तीत जास्त संख्येने सहभागी व्हावे असे आवाहन पुण्यश्लोक अहिल्यादेवी होळकर सार्वजनिक जन्मोत्सव समिती, नांदेडच्या वतिने करण्यात आले आहे.

पुण्यश्लोक राजमाता अहिल्यादेवी होळकर यांची जयंती घराघरात साजरी करा : मा. उपनगराध्यक्ष लक्ष्मणजी देवदे

 संपादक आशिष मुगटकर



मुदखेड तालुका / प्रतिनिधी

मुदखेड शहर व तालुक्यातील सर्व बंधु,भगिनी यांनी पुण्य श्लोक राजमाता  अहिल्यादेवी होळकर यांची जयंती यावेळी मोठ्या उत्साहात वेगळ्या पद्धतीने साजरी करण्याचे ठरवले आहे.

पुण्य श्लोक राजमाता अहिल्यादेवी होळकर यांची  २९७ वी जयंती समाज बांधवांनी आपल्या घरा - घरात मोठ्या आनंदात साजरी करावी.  तसेच सर्व शासकीय कार्यालयात सुद्धा राजमाता अहिल्यादेवी होळकर यांची जयंती शासन आदेशा नुसार साजरी करावी. असे आवाहन मुदखेड  माजी उपनगराध्यक्ष तथा धनगर समाजाचे नेते लक्ष्मणजी देवदे यांनी केले आहे .

वाई सेवा सहकारी संस्था बिनविरोध चेअरमन पदी सेवानिवृत्त सहाय्यक पोलीस उप निरीक्षक रामराव इंजेवाड तर व्हाईस चेअरमन पदी आनंदराव पाटील पवार यांची निवड

 संपादक आशिष मुगटकर


मुदखेड तालुका / प्रतिनिधी

 मुदखेड तालुक्यातील सर्व सेवा सहकारी सोसायटी च्या सार्वत्रिक निवडणूकांचे सत्र सुरु आहे.त्याचाच एक भाग म्हणून मौजे वाई सेवा सहकारी सोसायटी ची सार्वत्रिक निवडणूक कार्यक्रम घेण्यात आला. या वेळी रामराव पोषटी इंजेवाडा,आनंदराव लक्षुमनराव पवार,मोहनराव यमलवाड, शंकर मारिबा हाणवते, गणेशराव सोनकांबळे, मस्तान खान पठाण, साहेबराव वडजे, धनराज बालाजी पवार, सुशीलाबाई माणिकराव वडजे,धुरपतबाई बालाजी शिंदे, रेणुकाबाई बाबुराव राठोड, अल्लाउद्दिन पठाण असे सदस्य प्रक्रिये द्वारे बिनविरोध निवडण्यात आले.

 ही निवडणूक बिनविरोध होणे कमी भाजपाचे मराठवाडा प्रभारी प्रवीण गायकवाड, काँग्रेसचे निष्ठावंत कार्यकर्ते माधवराव वडजे, सरपंच प्रतिनिधी केशव पाटील ढगे,इब्राहिम पठाण,उप सरपंच प्रतिनिधी गंगाधर कसबे, शिवसेनेचे गोविंदराव शिंदे, माजी सरपंच संभाजी गायकवाड,लक्ष्मीबाई तारोडकर,राजू इंजेवाड,साहेबराव पवार माजी उप सरपंच शिवाजी वडजे,बी.जी. राठोड,दलशिंग पवार ग्रामपंचायत सदस्य राजू भद्रे,माजी तंटामुक्ती अध्यक्ष मारुती गायकवाड,माजी चेअरमन बाबुराव तरोडकर, मावळते चेअरमन प्रतिनिधी भुजंग पाटील वडजे, राजाराम पेंटेवाड,मारुती पवार,बापूराव शेलगावे, सुंदराबाई इंजेवाडा, हरिश्चंद्र हंबर्डे,गोविंदराव पवार,प्रमोद पवार अंबादास काळे आदींनी ही निवडणूक बिन विरोध कारण्यासाठी विशेष परिश्रम घेतले. 

यावेळी वडणूक निर्णय अधिकारी म्हणून श्री मनूरकर सचिव वैजे, पोतदार यांनी निवडणूक प्रक्रिया खेळीमेळीच्या वातावरणात पार पडली.

श्रीमती.लक्ष्मीबाई बागल यांचे निधन

संपादक आशिष मुगटकर


मुदखेड तालुका / प्रतिनिधी

मुदखेड तालुक्यातील रोहिपिंपळगाव येथील श्रीमती. लक्ष्मीबाई व्यंकटराव बागल यांचे दि.११ मे २०२२ रोजी दुपारी २ वाजता वयाच्या ८५ व्या वर्षी वृद्धापकाळाने निधन झाले आहे. त्यांचा अंत्यविधी गुरुवारी उद्या दुपारी १.०० वाजता रोहिपिंपळगाव येथील स्मशानभूमीत करण्यात येणार आहे.

त्यांच्या पश्चात दोन मुली, तीन मुले व नातवंडे असा परिवार मोठा आहे.

रोहिपिंपळगाव येथील मा. सरपंच सौ. सुनीता गणेशराव शिंदे यांच्या मातोश्री व मा.जि.प. सदस्य गणेशराव शिंदे यांच्या  सासूबाई होत्या.

बहूजन भारत पार्टीच्या मुदखेड तालुका अध्यक्षपदी बाबुराव मस्के यांची निवड.

 तालुका सचिवपदी सुरेश सुर्यवंशी यांची निवड

संपादक आशिष मुगटकर


मुदखेड तालुका / प्रतिनिधी

मुदखेड शासकीय विश्रामगृह येथे बहुजन भारत पार्टीचे  राष्ट्रीय कोष्याध्यक्ष  बालाजी गजले यांच्या अध्यक्षतेखाली कार्यकर्ता बैठक घेण्यात आली.

या बैठकीत सर्वानुमते मुदखेड तालुका अध्यक्ष पदी बाबुराव मस्के तर तालुका सचिवपदी सुरेश सुर्यवंशी यांची निवड करुन त्यांना नियुक्तीपत्र पुष्पहार घालून पुढिल कार्यासाठी शुभेच्छा मान्यवरांनी दिल्या.

 यावेळी पांडुरंग झुंजारे तालुका प्रभारी, पत्रकार प्रल्हाद मस्के, पुंडलिक व्ही सुर्यवंशी, दत्ता सुर्यवंशी, ग्याणू सुर्यवंशी,  लक्ष्मण सुर्यवंशी, मारोती सुर्यवंशी,अमोल सुर्यवंशी,चंद्रकांत राहेरे, दत्ता वाघमारे, ,संतोष धोतरे,अविनाश मस्के नवीन पदाधिकारी यांच्या निवडी सर्वत्र स्वागत होत आहे. 

मुदखेड तालुक्यातील सर्व गावात पक्ष बांधनी करून महापुरुषांच्या विचार सर्वसामान्य नागरिकांपर्यंत पोहचून बहुजन समाजातील सामाजिक, राजकीय हक्कांसाठी मुदखेड तालुक्यात पक्ष बळकट करण्यासाठी कार्य करनार असल्याचे बाबुराव मस्के व सुरेश सुर्यवंशी यांनी व्यक्त केले.

मुगट सेवा सहकारी सोसायटीच्या चेअरमन पदी काँग्रेसचे रमेश पाटील कल्याणे यांची बिनविरोध निवड.

 संपादक आशिष मुगटकर



मुगट वार्ताहार

मुगट सेवा सहकारी सोसायटीच्या चेअरमन पदी काँग्रेसचे रमेश पाटील कल्याणे यांची बिनविरोध निवड करण्यात आली.

मुगट येथील काँग्रेसचे तरुण कार्यकर्ते, तथा माजी उपसरपंच रमेश पाटील कल्याणे यांची गावातील नागरिकांचे जिव्हाळ्याचे संबंध असल्यामुळे त्यांना पुन्हा एकदा जनतेची सेवा करण्याची संधी सोसायटीच्या माध्यमातून गावकऱ्यांनी दिली आहे.

त्यांची बिनविरोध निवड करण्यासाठी ग्रामपंचायत सदस्य, सेवा सहकारी सोसायटीचे सदस्य, माजी.ग्रामपंचायत सदस्य यांनी महत्त्वाची भूमिका बजावली आहे.

 सेवा सहकारी सोसायटीची निवडणूकीत सहाय्यक निबंधक जी. एल. हाटकर, निवडणूक निर्णय अधिकारी चांदणे यांनी काम पाहिले. 


बिनविरोध निवड झालेले सदस्य पुढिल प्रमाणे.

चेअरमनपदी रमेश पाटील कल्याणे व्हाईस चेअरमन पदी सौ. गौरी शरद पवार, संचालक किसन बालाजी कल्याणे, नागोराव दिगंबर कल्याणे,प्रकाश बाबाराव कल्याणे, रामकिसन  सदाशिव कदम, शिवाजी दिगंबर कल्याणे, कल्याणराव चंपतराव कल्याणे,देवबा आबाजी मुंगल, तुकाराम दत्ता काटकर. सौ.शांताबाई टोपाजी हाटकर. गंगाराम नारायण रंगवाळ,रोहिदास मारुती चिंतले. यांची निवड करण्यात आली.

यावेळी सरपंच प्रतिनिधी धोंडीबा वंजे, उपसरपंच प्रतिनिधी भिमराव पाटील कल्याणे,तंटामुक्ती अध्यक्ष माधवराव पाटील कल्याणे,तंटामुक्तीचे उपाध्यक्ष बालाजी पाटील कल्याणे, विलास हाटकर,अॅड. माधवराव  हाटकर,अनिल कुलकर्णी. ग्रामपंचायत सदस्य धाराजी पवार,विलास कल्याणे,प्रमोद कल्याणे, दत्ता सरगोळे ,अवधूत कल्याणे,वसंत कल्याणे, यांची यावेळी विशेष उपस्थितीत होती.

शिक्षक समन्वय संघाचे जिल्हाधिकारी कार्यालया समोर धरणे आंदोलन

 संपादक आशिष मुगटकर



नांदेड जिल्हा/ प्रतिनिधी

महाराष्ट्र राज्यातील विनाअनुदानित,अंशत: अनुदानित, अघोषित प्राथमिक, माध्यमिक व माध्यमिक शाळामधील शिक्षक शिक्षकेत्तरांना १०० टक्के वेतन देण्यात यावे यासाठी आज दि.९ रोजी एक दिवसीय धरणे आंदोलन सुरु आहे.

        महाराष्ट्रातील प्राथमिक, माध्यमिक व उच्च माध्यमिक शाळांतील शिक्षकांची वेठबिगारी संपवुन त्यांना सन्मानाचे जिवन जगता यावे यासाठी वीस वर्षांपासून विनावेतन काम करणाऱ्या शिक्षकांना २४ जुन २०१४ शासन निर्णयानुसार अघोषित,त्रुटींची पुर्तता करणाऱ्या,२० व ४० टक्के अनुदान प्राप्त प्राथमिक,माध्यमिक व उच्च शाळांना अनुदान देण्यात यावे.आजच्या परिस्थितीत शिक्षणाला अनन्यसाधारण महत्व असून याच क्षेत्रात विद्यार्थ्यांना भविष्याच्या वाटा दाखविणारा शिक्षकच वेतना अभावी भरकटलेला आहे.या शिक्षकाला वेतनाची अत्यंत आवश्यकता असून लवकरच निवेदनात नमुद केलेल्या विषयावर तोडगा काढून न्याय देण्याचे काम शासनाने करावे अन्यथा दि.२३ मेपासून आझाद मैदान मुंबई येथे महाराष्ट्रातील अघोषित, अंशतः अनुदानित शाळांमधील हजारो शिक्षक,शिक्षकेतर कर्मचाऱ्यांकडून बेमुदत आंदोलन करण्यात येणार आहे.महाराष्ट्रातील १४९ शिक्षकांनी वेतनासाठी लढा देत असतांनाच आपल्यि प्राणांची आहुती दिली.आता शासनाने येथील शिक्षकांचा अंत पाहू नये.

       आज जिल्हाधिकारी कार्यालयासमोर एक दिवसीय धरणे आंदोलन करण्यात आले.आंदोलना दरम्यान जिल्हाधिकारी यांना निवेदन देण्यात आले. या निवेदनावर प्रा कैलाश खानसोळे प्रा.लोखंडे सी बी,प्रा.शेख,राजेसाब, प्रा.राजेंगोर आत्माराम, प्रा.खुरदामोजे एस टी, प्रा सुदर्शन फाजगे,.प्रा केंद्रे बी एम,कदम पी एम,प्रा कैलाश जगताप, ढवळे एच पी,श्री खडसे डी. के.सुर्यवंशी बी. टी,प्रा.भागवत गोरे,श्री जाधव ए एम,जाधव ए व्ही,गायकवाड बी. एम,मोरे एस के,मुरमरे के एस,ठेम्बरे आर जी, प्रा गच्चे एस. के.कांबळे एस.आर.आदींसह नांदेड जिल्ह्यातील शिक्षक शिक्षकेत्तर कर्मचाऱ्यांच्या स्वाक्षऱ्या आहेत.

मुगट येथे महाराष्ट्र दिन व कामगार दिन उत्साहात साजरा.

संस्थेच्या उपक्रमाचे गावकऱ्यांकडून कौतुक !

संपादक आशिष मुगटकर


मुदखेड तालुका / प्रतिनिधी

मुदखेड तालुक्यातील मुगट येथील जी.के.इंग्लीश स्कूल मध्ये महाराष्ट्र दिन व कामगार दिन उत्साहात साजरा करण्यात आला.संस्थेचे अध्यक्ष किशनराव पाटील कल्याणे यांच्या हस्ते ध्वजारोहण करण्यात आले.या प्रसंगी शाळेच्या मुख्याध्यापिका सौ यशोमती पाटील लंगोटे,सरपंच, उपसरपंच, सदस्य, प्रतिनिधी, तंटामुक्ती अध्यक्ष, पालक, गावातील नागरिक यांनी या कार्यक्रमाला उपस्थिती लावली होती.

संस्थेच्या वतीने एक नवीन उपक्रम  राबवत. कामगार दिनाचे औचित्य साधत गावातील कोरोना काळात आपले कर्तव्य पार पाडलेल्या अंगणवाडी सेविका, मदतनीस, ग्रामपंचायत कर्मचारी, यांचा प्रशस्तीपत्र व पुष्पगुच्छ देवून गौरविण्यात आले. शाळेतील गुणवंत विद्यार्थ्यांना मान्यवरांच्या हस्ते प्रशस्तीपत्र देण्यात आले.

यावेळी ग्रामविकास अधिकारी राजेश्वर भुरे यांची प्रमुख उपस्थिती होती.

या कार्यक्रमाचे सूत्रसंचालन सौ.पल्लवी हाटकर तर आभार सौ.योगिता मुंगल यांनी केले.

  





लोकप्रिय बातम्या