खड्ड्यांमुळे अपघातांच्या घटना वाढल्या..
मुदखेड / तालुका प्रतिनिधी
मुगट पाटी ते गाडेगाव या ८ किमी रस्त्याची दयनीय अवस्था झाली आहे. त्यामुळे संपूर्ण रस्त्याची अक्षरश चाळणी झालेली दिसुन येत आहे.
या रस्त्याने मोठ्या प्रमाणात वाहतूक होत असते. हा रस्ता जिल्हा अंतर्गत रस्त्याचे तो रस्ता निळा- गाडेगाव- आमदुरा- माळकौठा असा जोडला गेला आहे. या रस्त्याची दुरुस्ती ही कागदावरच झाली असून प्रत्यक्षात मात्र संबंधित कंत्राटदाराकडून एकही खड्डा दुरुस्ती केल्या दिसून येत नाही.
मागील दोन-तीन वर्षापासून हा रस्ता असाच खड्डेमय आहे. या वर्षीच्या पावसाने तर त्या रस्त्यावरील खड्डे मोठे झाले आहेत, त्यामुळे साधी दुचाकी सुद्धा सरळ चालवता येत नाही. या ८ किमी प्रवासासाठी नांदेडला येण्यास जवळपास ३० मिनिटांचा वेळ लागत आहे .
या रस्त्याने दररोज धर्माबाद पर्यंत अनेक शासकीय कर्मचारी प्रवास करत असतात. याचं खड्ड्यांमुळे अनेकांना आपला जीव गमवावा लागला तर छोटे-मोठे अपघात होतच असतात.तारेवरच्या कसरती प्रमाणे दूधवाले, फळभाज्यावाले यांना आपली दुचाकी ही न्यावी लागत आहे. खड्ड्यात रस्ता की रस्त्यात खड्डे असा प्रश्न प्रवाशांना पडला आहे.
संबंधित विभागाने याकडे त्वरित लक्ष देऊन हा रस्ता दुरुस्त करावा जेणेकरून भविष्यात खड्ड्यांमुळे कुणाला आपला जीव गमवावा लागू नये, अशी मागणी प्रवाशांकडून केली जात आहे.
