मुदखेड शहरातील युवा कार्यकर्ते महम्मद साजीद यांचा राष्ट्रवादी कॉंग्रेस पार्टीत प्रवेश

 संपादक आशिष मुगटकर

नांदेड जिल्हा / प्रतिनिधी

मुदखेड शहरातील युवा कार्यकर्ते महम्मद साजीद यांचा राष्ट्रवादी कॉंग्रेस पार्टीचे मुदखेड तालुकाध्यक्ष शिवानंद पाटील शिप्परकर यांच्या नेतृत्वाखाली,राष्ट्रवादी काँग्रेस चे जेष्ठ नेते माजी उपमुख्यमंत्री तथा विरोधी पक्षनेते मा. अजितदादा पवार साहेब यांच्या हस्ते शासकीय विश्रामगृह नांदेड येथे प्रवेश झाला.यावेळी दादा अतिवृष्टी पाहणी दौर्यावर होते.

यावेळी माजी सामाजिक न्याय मंत्री मा.धनंजय मुंडे साहेब, जिल्हाध्यक्ष मा.हरीहरराव भोसीकर साहेब, तालुका सरचिटणीस आशिष कल्याणे मुगटकर,शहराध्यक्ष महम्मद बुराण, सुरज कोदली, संतोष दर्शनवाड, राजेश खंदारे, दिपक सरोदे, बालाजी बळे आदींची उपस्थिती होती.

असंख्य कार्यकर्त्यांच्या भाऊ गर्दीत नेते प्रवीण गायकवाड यांचा वाढदिवस संपन्न.

 संपादक आशिष मुगटकर

मुदखेड तालुका / प्रतिनिधी

मुदखेड येथील शासकीय विश्राम  गृहात भाजपा दिव्यांग विकास आघाडीचे मराठवाडा प्रभारी नेते प्रवीण गायकवाड यांच्या वाढदिवसाचे औचित्य साधून त्यांच्या हितचिंतकांनी सत्कार समारंभाचे आयोजन केले होते.

यावेळी कार्यक्रमाच्या अध्यक्ष स्थानी जेष्ठ नेते तथा मुदखेड नगर परिषदेचे माजी नगराध्यक्ष राम चौधरी हे होते. तर प्रमुख उपस्थितीत राष्ट्रीय स्वयंसंघांचे मुदखेड तालुक्याचे कार्यवाहक उत्तम अप्पा चिद्रावार,महात्मा गांधी शिक्षण संस्थेचे सचिव लक्षिमन सोनटक्के, मुख्याध्यापक बा.मो.नाईक, संचालक किरण देशपांडे, जितेंद्र गायकवाड,युसूफ शेठ बागवान,कृषि उत्पन्न बाजार समिती मुदखेड चे सभापती म्हैसाजी भांगे, माजी सभापती भगवान पानेवार,भाजपा जिल्हा सचिव हनुमंत देशमुख,भाजपा ता. अध्यक्ष शंकर मुतकलवाड,वकील संघ तथा विधी आघाडीचे अध्यक्ष ऍड अशोक हामंद,भाजपा ओ.बी.शी.आघाडीचे जिल्हा उपाध्यक्ष,गुलाब सूर्यवंशी,गोविंद गोपनपल्ले,भाजपा मुदखेड शहराध्यक्ष पुरुषोत्तम चांडक, माजी शहराध्यक्ष संजय सोनटक्के,शिवसेनेचे शहर प्रमुख सचिन चंद्रे यांची होती.

यावेळी कृ.ऊ.बा.स संचालक बालाजी खटिंग,सुरेश शेटे,जयश्री दिलीप देशमुख, रोहिपिंपळगावचे माजी सरपंच शिवाजी शिंदे,वाईचे सरपंच केशव पाटील ढगे,प्रा. दिनेश शेटे, हनुमंत देशमुख, राम चौधरी यांची समायोचित भाषणे झाली.

या वेळी सत्काराला उत्तर देतांना गायकवाड म्हणाले की, माझा पुनःर जन्मवार विश्वास नाही पण माझा पहिला जन्म माझ्या आई वडिलांनी घातला आणि दुसरा जन्म येथे उपस्थित कार्यकर्त्यांनी घातला हे वास्तव सत्य मी कधीच नाकारू शकत नाही, कारण कोरोना सारख्या महामारी काळात कोरोना विषाणू संसर्ग झाल्याने हैद्राबाद, औरंगाबाद आणि नांदेड येथे जो उपचार घ्यावा लागला त्या उपचारासाठी लागलेला लाखोंचा सर्व खर्च माझ्या उपस्थित कार्यकर्त्यांनी उचलला म्हणून माझे कार्यकर्ते माझ्या पुनःर जन्मातले मायबाप आहेत असे मी मानतो असे सांगून निसर्गाचा प्रकोप आणि कोविड सारख्या महामारीतून वाचयाचे असेल तर माझ्यावर प्रेम करणाऱ्या सर्व कार्यकर्त्यांनी शटकोत्तर टिकणाऱ्या झाडांचे वृक्षारोपण करा व रासायनिक शेतीचा वापर कमी करत करत जैविक शेतीकडे वळा असे आवाहन केले.

यावेळी वकील अशोक हामंद ,पत्रकार मनोज कमठे, संचालक मधुकर हौसरे,निळकंठ हामंद, आनंदराव शिंदे,बालाजी गुड्डमवार, सतीश मुंगल,नामदेवराव शिंदे शेख रफिक,दत्ता हामंद,म.कबीर, लक्ष्यूमन मुंगल पाटील, तुळशीराम चुकेवाड, कानोबा बिष्मीले, गजू कमळे, रघुनाथ भालेराव, दिलीप देशमुख, अमोल अडकीने, कालिदास जंगीलवाड,एकनाथ गायकवाड यांच्या सह शेकडो कार्यकर्ते उपस्थित होते.

हा कार्यक्रम यशस्वी करण्यासाठी महेश देशपांडे, संजय सोनटक्के,सुरेश वाघमारे, प्रभाकर पांचाळ, माधव वाघमारे, प्रमोद हनवटे संदीप लोखंडे आदींनी परिश्रम घेतले.

आगामी निवडणुकांसाठी कार्यकर्त्यांनी सज्ज राहावे.-जयसिंगराव गायकवाड

संपादक आशिष मुगटकर

नांदेड जिल्हा / प्रतिनिधी

आगामी काळात नांदेड जिल्ह्यातील 10 नगरपालिका, व 1 नगरपंचायत च्या निवडणुका आहेत. यासंदर्भात राष्ट्रवादी काँग्रेस पक्षाची बैठक राष्ट्रवादी कॉंग्रेसचे जिल्हाध्यक्ष हरिहरराव भोसीकर यांच्या अध्यक्षतेखाली घेण्यात आली. या बैठकीस प्रमुख मार्गदर्शक म्हणून राष्ट्रवादी कॉंग्रेसचे मराठवाडा संपर्कप्रमुख तथा माजी केंद्रीय मंत्री जयसिंगराव गायकवाड  यांची उपस्थिती होती.

  आगामी काळात नागरपरिषेच्या निवडणुकीत राष्ट्रवादी काँग्रेस पक्षाचे जास्तीत जास्त उमेदवार निवडून आणण्यासाठी राष्ट्रवादी काँग्रेस पक्षाच्या कार्यकर्त्यांनी सज्ज राहून पक्षाचे उमेदवार निवडून आणावेत असे आवाहन जयसिंगराव गायकवाड यांनी केले. 

   यावेळी जिल्हाध्यक्ष हरिहरराव भोसीकर यांनी कार्यकर्त्यांना मार्गदर्शन करून पक्षाचे अधिकाधिक उमेदवार निवडून आणावे यासाठी आपण स्वतः पूर्णवेळ प्रचार करू,प्रचाराचे योग्य नियोजन करून, सर्व कार्यकर्त्याना सोबत घेऊन निवडणूक लढवू असे सांगितले.प्रचारचे नियोजन याबद्दल सविस्तर माहिती दिली.

   या बैठकीस पक्षाचे तालुकाध्यक्ष, शहाराध्य, विधानसभा अध्यक्ष, जिल्हापदाधिकारी उपस्थित होते.यावेळी संबंधित तालुका पदाधिकारी यांचेही मत जाणून घेतले.

    याबैठकीस भगवानराव पा. आलेगावकर, रमेश देशमुख शिळवणीकर ,लक्ष्मीकांत पदमवार,प्रा. डी. बी. जांभरूणकर,वसंत सुगावे पाटील,सुभाषराव गायकवाड, भाऊसाहेब देशमुख गोरठेकर,पांडुरंग देशमुख गोरठेकर नागनाथ पा. सावळीकर, संग्राम हायगले, डॉ. विक्रम देशमुख तळेगावकर,अंकुश देशमुख,बालाजीराव शेळके,शिवाजीराव जाधव,धनंजय सूर्यवंशी, सुनील पतंगे,वसंतराव देशमुख,देवराव टिप्परसे,मारोतराव बनसोडे,आनंद गुडमलवार, प्रा. नारायण शिंदे,हणमंतराव जगदंबे,जाविद जब्बोरद्दीन, रवींद्र शेट्टी, शिवानंद शिप्परकर ,संभाजी मुकनर, मोहम्मद बुऱ्हाण, सुधाकरराव जाधव,राजश्री पाटील,आरती चव्हाण, सीमा देशमुख,विश्वनाथ बडूरे,मोहम्मद जानी, जाविद गनी, सरदार खान,उदय देशपांडे, सुभाष रावणगावकर,सुनील मुक्कावार,शेख शादुल होनवडजकर ,जयभीम सोनकांबळे, इरफान खान आदी उपस्थित होते.

राष्ट्रवादी काँग्रेसच्या ज्येष्ठ नागरिक संघाच्या राज्य उपाध्यक्षपदी प्रा.नारायण शिंदे यांची निवड

 प्रा.नारायण शिंदे संधीचे सोने करतील

संपादक आशिष मुगटकर

नांदेड जिल्हा / प्रतिनिधी

 राष्ट्रवादी काँग्रेसच्या ज्येष्ठ नागरिक संघाच्या राज्य उपाध्यक्षपदी नांदेड येथील यशवंतराव चव्हाण विचार मंचचे अध्यक्ष साहित्यिक प्रा.नारायण शिंदे यांची नुकतीच नियुक्ती करण्यात आली. या नियुक्तीचे औचित्य साधून त्यांच्या मित्रमंडळाने ज्येष्ठ साहित्यिक डॉ. भगवान अंजनीकर यांच्या अध्यक्षतेखाली प्रा.शिंदे यांचा सत्कार केला. याप्रसंगी ज्येष्ठ साहित्यिक डॉ. जगदीश कदम,प्रकाशक निर्मलकुमार सूर्यवंशी,दत्ता डांगे,हभप भास्कर शिंदे यांनी मनोगत व्यक्त करून शुभेच्छा दिल्या. प्रा.शिंदे हे उत्तम संघटक असून समाजसेवेचे त्यांना वेड आहे.ज्येष्ठ नागरिकांचे प्रश्न ते निश्चितच मार्गी लावतील.आणि संधीचे सोने करतील.अशी अपेक्षा अध्यक्षीय भाषणात डॉ. अंजनीकर यांनी व्यक्त केली.

कार्यक्रमाचे सूत्रसंचालन तसेच आभार प्रदर्शन पंडित पाटील यांनी केले. याप्रसंगी विजयकुमार चित्तरवाड,अनमोलसिंग कामठेकर,शिवाजी देशमुख इ.उपस्थित होते.

"राम चौधरी "एक कटू सत्य !

 संपादक आशिष मुगटकर

विशेष लेख

संघर्षमय जीवनातून अमृत महोत्सवी सांगतेचा राजकीय विजनवास "राम चौधरी "एक कटू सत्य !

आज दिनांक व मास दोन्हीही सात याच दिवशी भारतीय स्वातंत्र्यता दिनाच्या आठ दिवस आधी म्हणजे सन एकोणवीसशे सतेचाळीसला स्वातंत्र्यता सेनानी लक्ष्मीकांत चौधरी आणि वत्सलाबाई यांच्या पोटी शिव्हाची निधडी छाती असलेला "राम" जन्मला.अत्यंत हलाकीच्या आर्थिक स्थितीत कसेबसे दहावी पर्यंतचे शिक्षण घेऊन पहिले मलेरिया खात्यात सर्वेची नौकरी यात मन रमले नाही म्हणून जिल्हा परिषदेची शिक्षकी पेषा स्वीकारला,येथेही मन लागत नसल्याने महात्मा गांधी विद्यालयात शिक्षकी पेषा करीत करीत 1985 मध्ये झालेल्या अतिवृष्टीच्या नुकसानीचा घर निहाय्य सर्वे करून पिडितांच्या अडचणी शासन दरबारी मांडून घर-पडलेल्या लोकांना नैसर्गिक आपत्तीची मदत मिळवून देण्यात यशस्वी ठरलेल्या लढ्यातून तयार झालेला आत्मविश्वास यातून तयार झालेले नेतृत्व म्हणजे "राम चौधरी"

तसे हे नाव संपूर्ण मराठवाड्यात सुपरिचित आहे.ते म्हणजे संपूर्ण देशात काँग्रेस पक्षाचा बोल बाला असतांना मुदखेड नगर पालिकेवर  भारतीय जनता पार्टीची एक हाती सत्ता सतत 18 वर्ष टिकवून ठेवण्यात यशस्वी ठरलेल नेतृत्व तसेच नगर पलिकेच्या कोठ्यातून तत्कालीन मराठवाडा विद्यापीठ व विद्यमान डॉ.बाबासाहेब आंबेडकर मराठवाडा विद्यापीठ आधीसभेवर सदस्य म्हणून (शिनेट मेंबर)उत्तुंग अशी कामगिरी करुन संपूर्ण मराठवाडा विभागात शिक्षण क्षेत्रात कर्तृत्वाच्या कौशल्याने नावलौकिक प्राप्त करणारे व्यक्तिमत्व म्हणजे "राम चौधरी"

नगराध्यक्ष असतांना भाजपाच्या मराठावाडा विभागात चळवळीत अग्रनी असलेले तत्कालिन उभरते पण मधल्या काळात भाजपात शिरोधार्य पोहचलेले कालकथित नेतृत्व मा. प्रमोदजी महाजन,मा.गोपीनाथ मुंडे यांना चळवळीस खारीची कुमक देणारे दाते म्हणजे "राम चौधरी "

यांनाच बदलत्या राजकीय परिस्थितीत काहीकाळ स्वकीय राजकारनाची शिकार व्हावी लागणे आणि तेही देशातील सत्ताधारी काँग्रेस पक्षाशी दोन हात करत करत स्वत्व टिकवून ठेवणारे आणि नगर पालिका सत्तेच्या सारिपाठात ब्राम्हण समाजात जन्मघेऊन पुरोगामी महाराष्ट्र धर्म अंगी बाळगून दलित- पिडीत- शोषित- अल्पसंख्यांक समुदायला सोबत घेऊन पुरोगामीत्व सिद्ध करणारे व्यक्तिमत्व अलीकडच्या राजकीय  आर्थिक साम्राज्यवादी वृतीची शिकार ठरली आहे.यांच्या सत्ता काळात अनेक लोकांना उद्योग- व्यापाराच्या संधी निर्माण झाल्या आहेत जसेकी मुदखेड ची जुनी बाजार पेठ गुजरी ते रेल्वे गेट आणि रेल्वे गेट ते रेल्वे स्टेशन या रस्त्या लगत दोन्हीही बाजूने वसलेली बाजारपेठ ही त्याची साक्ष आहे. आजही विळ्यागत वाकलेले पानागत पिकलेले नगर परिषदेत सेवानिवृत्ती नंतर हजारो रुपये निवृत्ती पेन्शन उचलणारे व अनुकंपाखाली वारसा हक्काने सेवेत समाविष्ट झालेले मागास समाजातील शेकडो लोक आमच्यावर राम चौधरी यांचे उपकार आहेत असे सांगतात. केंद्रीय राखीव पोलीस दलाच्या प्रशिक्षण केंद्रा करिता शेकडो एकर जमिनी तत्कालीन गृह मंत्री शंकरराव चव्हाण यांनी अधिग्रहण केल्या ते बिचारे शेतकरी आज देशोधडीला लागले. याच वेळी गावास लागून या केंद्राची सुरक्षा भिंत नको अशी अग्रही मागणी लावून धरित काही शेतकऱ्यांना न्याय मिळवून देऊन करडोपती करण्यात ज्यांचे कसब कामी आले ते "राम चौधरी"

राजकारणात संघर्ष करता करता एकुलत्या एक मुलाच्या अकाली जाण्याचे दुःख पचवत - पचवत जगण्याच्या संघर्षालाही या अवलियाने गवसनी घातली तेही एकदा नव्हे तर तीनदा रोड अपघातात मानेचा मनका घसरनेकाय,घाई गडबडीत तोल जाऊन दंत निकामी होने काय आणि श्वासाला त्रास होतो म्हणून ह्रदयस्पर्शी स्पेसमेकर शस्त्रक्रिया होणे काय? या साऱ्या संकटाना रुग्ण शयेवर हसत मुखाने गारद करून माझ्या सारख्या असंख्य कार्यकर्त्यांना सद्याच्या जागतिक महामारीच्या काळात जीवन जगण्याचे आरोग्य विषयक सल्ले देणारा घरचा वैद्य म्हणजे आपला माणूस राम चौधरी.

मागचा मुदखेड विधानसभा मतदार संघ आणि सद्याचा भोकर विधानसभा मतदार संघ या भागाचे आमदार म्हणून नेतृत्व करण्याचे पूर्ण कौशल्य असलेले व्यक्तिमत्व तत्कालीन शिवसेनेच्या लाटेत पक्षनिष्ठ वृत्तीमुळे हरवले की, हेतू पूर्वक संपविण्यात आले हे या भागातील जनतेला न उलघडणारे वास्तव कोडे आहे असेच म्हणावे लागेल. प्रत्येक वेळी मतदार संघा बाहेरील आयात उमेदवार देऊन विद्यमान विधानसभा नेतृत्वास सोईचे होईल असे गृहीतके भाजपा शिवसेनेने तेंव्हा पासून ते आज पर्यंत आखाली यांच्याशी आयुष्यभर संघर्ष करता करता विद्यमान विधानसभा नेतृत्वाशी जुळवून घेण्याचे उसनवारी मनोबलही दाखऊन पहिले खरे!तेथेही कर नाही जुळले. "मित्र म्हणुनी धरिला हात. त्यांनीही केला केला घात.या काव्या प्रमाणे मागच्या विधानसभेचीही निवडणूक लढण्याची इच्छाही मित्रघाता पोटी विरली.असे असले तरी घेतला वसा टाकायचा नाही असे ठरवून कोविड महामारीच्या टाळेबंदित हजारो कुटुंबाला स्वतःची सात/ बारा (शेती )विकून आधार देणारा हा अवलिया. कार्यकर्त्यांवर जीव ओवाळून टाकणारा नेता आयुष्यभर विरोधकांसमवेत स्वकीयांशी संघर्ष करता करता आज अमृत महोत्सवी वर्षाच्या सांगते पर्यन्त पोहचताना अघोषित विजनवास भोगण्याच्या तयारीत आहे. असे असतांना त्यांच्यातील सेवाभाव, कर्तृत्व, नेतृत्व आणि दातृत्व विजनावसातील परीक्षाच ठरेल!यात कोण जिंकतो आणि कोण हरतो हा येणारा काळच ठरवेल हे एक कटू सत्य म्हणजे "राम चौधरी "

संकलन:- नेते प्रवीण शंकरराव गायकवाड

भाजपा मराठवाडा प्रभारी, दि. वि.आ.