नांदेड / जिल्हा प्रतिनिधी
जिल्हाधिकारी डॉ विपीन इटनकर व जिल्हापरिषद नांदेडच्या मुख्य कार्यकारी अधिकारी वर्षा ठाकूर-घुगे यांच्या संकल्पनेतून सामाजिक उत्तरदायित्व म्हणून साकारलेल्या मिशन आपुलकीचे फलित जि.प.हा.विष्णुपूरीस नुकतेच प्राप्त झाले आहे.
लोकसहभागातून शिक्षण क्षेत्रास मदत म्हणून स्पर्धापरीक्षेची चाळीस पुस्तके पंधरा हजार रुपये किमतीची प्रशालेस बार्हाळी मुखेड येथील सामाजिक जाण असलेले प्रतिष्ठित व्यापारी सतीश गंगाधरराव महाजन यांनी त्यांची आई कै.भाग्यलक्ष्मी गंगाधरराव महाजन यांच्या नवव्या स्मरणार्थ विष्णुपुरी प्रशालेस भेट म्हणून दिली.मिशन आपुलकीचे महत्त्व राज्य पुरस्कार प्राप्त शिक्षक राजेश कुलकर्णी व सृजनशील शिक्षक आनंद वळगे यांनी सतीश महाजन यांना पटवून दिल्यामुळे प्रशालेस स्पर्धापरीक्षेची पुस्तके भेट देण्याचा मानस व्यक्त केला.
या कार्यक्रमाच्या अध्यक्षस्थानी विलास आबासाहेब देशमुख अध्यक्ष शालेय व्यवस्थापन समिती हे होते तर प्रमुख अतिथी म्हणून सतीश महाजन, व्यंकटराव उमाटे अध्यक्ष तंटामुक्ती, गजानन अस्वले,साहेबराव हंबर्डे, विश्वनाथ हंबर्डे, राजेश हंबर्डे, दत्ता धोंडीबा गिरी महाराज, कमलाकर हटकर तथा प्रशालेचे प्रभारी मुख्याध्यापक शिवाजी वेदपाठक हे उपस्थित होते.
या प्रसंगी शाळेतील वीस विद्यार्थ्यांना पुस्तकांचे सन्मानाने वितरण करण्यात आले.मिशन आपुलकीचे हे दृश्य फलित असून पालक व गावकऱ्यांनी जिल्हा प्रशासनाचे आभार व्यक्त केले आहेत. या कार्यक्रमाचे अभ्यासपूर्ण व बहारदार सुत्रसंचालन राज्य पुरस्कार प्राप्त शिक्षक आर.जी.कुलकर्णी यांनी केले तर प्रास्ताविक कृष्णा बिरादार व आभार एम.ए.खदिर यांनी व्यक्त केले.
हा कार्यक्रम यशस्वी करण्यासाठी उदय हंबर्डे, आनंद वळगे,जयश्री शिंदे, विकास दिग्रसकर, शैलजा बुरसे,पद्माकर देशमुख,सोमनाथ बिदरकर,पंचफुला नाईनवाड, चंद्रकला ईदलगावे व सर्व शिक्षकांनी विशेष परिश्रम घेतले.या कार्यक्रमास पालक,गावकरी व बहुसंख्य विद्यार्थी उपस्थित होते.
कोणत्याही टिप्पण्या नाहीत:
टिप्पणी पोस्ट करा