नांदेड जिल्हा / प्रतिनिधी
भूगोल हा मनुष्याच्या जीवनातील एक अविभाज्य भाग आहे. याच भूगोल दिनाचे महत्त्व विविध प्रात्यक्षिक व चित्र प्रदर्शनाच्या माध्यमातून जि.प.हा.विष्णुपूरी शाळेने भूगोल दिन अनोख्या पध्दतीने साजरा केला. सर्वप्रथम इयत्ता सहावीच्या विद्यार्थ्यांनी बिग बँग कसा झाला, याचे नाटकात रुपांतर करुन सादरीकरण केले.
सूर्य-स्वयंम हटकर,बुध-आशीष मोरे,शुक्र-प्रतिक गिरबिडे,पृथ्वी-कु.मानवी गवारे,मंगळ-सुरज हंबर्डे, गुरु-युवराज चव्हाण, शनी-प्रतिक मरखले,युरेनस-विजय पवार आणि नेपच्यून-अजय हंबर्डे या विद्यार्थ्यांनी प्रत्यक्ष ग्रहमाला बनून विश्व कसे निर्माण झाले, याचे अचूक सादरीकरण केले.या कार्यात विद्यार्थ्यांना कांचनमाला पटवे,जयश्री देवशेट्टे,यशोदा संत व जयश्री शिंदे या शिक्षिकेंनी भरीव मार्गदर्शन व सहकार्य केले.
प्रशालेच्या संत बाबा निधानसिंगजी भव्य सभागृहात इयत्ता पाचवी ते आठवीपर्यंतच्या विद्यार्थ्यांनी भूगोल विषयक आकर्षक चित्र प्रदर्शनी लावली होती. सर्व विद्यार्थी, अनेक पालकांनी या प्रदर्शनीचा लाभ घेवून भूगोलाचे महत्त्व जाणून घेतले. ही प्रदर्शनी मांडण्यास आदर्श शिक्षक विकास दिग्रसकर, राज्य पुरस्कार प्राप्त शिक्षक राजेश कुलकर्णी, निष्णात गणित शिक्षक कृष्णा बिरादार,पद्माकर देशमुख यांनी मार्गदर्शन व मांडणी केली.
भूगोल दिनाचे महत्त्व अत्यंत समर्पक पध्दतीने सादर केल्यामुळे विलास आबासाहेब देशमुख हंबर्डे-अध्यक्ष शालेय व्यवस्थापन समिती, साहेबराव हंबर्डे, शंकरराव हंबर्डे, विश्वनाथराव हंबर्डे, राजेश हंबर्डे,मुख्याध्यापक नागनाथ दिग्रसकर, पर्यवेक्षक शिवाजी वेदपाठक व बहुसंख्य पालकांनी विद्यार्थी व शिक्षकांचे अभिनंदन व कौतुक केले.
कोणत्याही टिप्पण्या नाहीत:
टिप्पणी पोस्ट करा