तालुकाध्यक्ष श्री. शिवानंद पाटील शिप्परकर यांची माहीती
मुदखेड तालुका / प्रतिनिधी
दि.१२ रोजी राष्ट्रवादी काँग्रेस पार्टीचे पक्ष अध्यक्ष व पद्मविभूषण श्री. शरदचंद्रजी पवार यांच्या व्या वाढदिवसानिमित्त मुदखेड तालुका राष्ट्रवादी काँग्रेस पार्टीच्या वतीने तालुक्यात विविध कार्यक्रमाचे आयोजन करण्यात आले होते.
राष्ट्रवादी काँग्रेस पार्टीचे जेष्ठ नेते माजी मंत्री श्री. कमलकिशोर कदम साहेब व जिल्हाध्यक्ष श्री. हरिहरराव भोसीकर साहेब यांच्या मार्गदर्शनाखाली मुदखेड तालुका राष्ट्रवादी काँग्रेसच्या वतीने राष्ट्रवादी काँग्रेस पार्टीचे राष्ट्रीय अध्यक्ष व पद्मभूषण श्री. शरदचंद्रजी पवार यांच्या वाढदिवसानिमित्त निवघा येथे व्हर्च्युअल रॅलीचे थेट प्रक्षेपण करण्यात आले. यावेळी कार्यक्रमाचे प्रास्ताविक राष्ट्रवादी काँग्रेसचे तालुकाध्यक्ष श्री. शिवानंद पाटील शिप्परकर यांनी केले तर उपस्थितांनी आपले मनोगत व्यक्त करून पवार साहेबांना शुभेच्छा दिल्या व्हर्च्युअल रॅलीला नागरीकांसह मोठ्या प्रमाणात युवकांची उपस्थिति होती.
तसेच ग्रामीण रुग्णालयात दि. ११ रोजी येथील रुग्णांना पक्षाचे सक्रीय कार्यकर्ते महंमद बुरहान यांच्यावतीने फळे वाटप करण्यात आले. राष्ट्रवादी काँग्रेस पार्टीच्या महिला तालुकाध्यक्षा सौ. पूजाताई माधव व्यवहारे यांनी बारड ग्रामीण रुग्णालयात दि. १२ डिसेंबर रोजी येथील रुग्णांना फळे वाटप केले.
यावेळी राष्ट्रवादी काँग्रेसचे तालुकाध्यक्ष श्री. शिवानंद पाटील शिप्परकर, मुदखेड व बारड ग्रामीण रुग्णालयाचे डॉक्टर अतुल कदम साहेब, सामाजिक न्याय विभाग तालुकाध्यक्ष संतोष दर्शनवाड,शिवाजी पवार निवघेकर,माधव पाटील व्यवहारे, शंकर खवास, मोहम्मद अली,सादीक शेख बारडकर, मोहम्मद खाजा, सत्यनारायण वाघमारे, राम नारायण गुंजकर, पद्माकर बोकेफोड, प्रशांत मुंगल, शेख सादिक. शेख अहमद सौदागर सह मुदखेड ग्रामीण रुग्णालय डॉक्टर अतुल कदम, शबाना सिस्टर, पंकज ब्रदर, प्रकाश कर्मचारी व बारड ग्रामीण रुग्णालयाचे डॉक्टर कदम येथील सर्व कर्मचारी यासह राष्ट्रवादी काँग्रेस पार्टीचे कार्यकर्ते मोठ्या संख्येने उपस्थित होते.
कार्यक्रम यशस्वीतेसाठी मुदखेड तालुक्यातील राष्ट्रवादी काँग्रेस पार्टीच्या कार्यकर्त्यांनी परिश्रम घेतले.
कोणत्याही टिप्पण्या नाहीत:
टिप्पणी पोस्ट करा