मुदखेड येथे श्री. कृष्ण जन्माष्टमी मोठ्या उत्साहात भजन कीर्तनाच्या माध्यमातून साजरी

 डॉ.मुंदडा परिवाराची साठ वर्षाची परंपरा कायम

संपादक आशिष मुगटकर

मुदखेड / तालुका प्रतिनिधी

 मुदखेड येथे श्री कृष्ण जन्माष्टमी प्रति वर्षाप्रमाणे याही वर्षी मोठ्या उत्साहात साजरी करण्यात आली.

दि.३० रोजी रात्री १० वाजता मुदखेड येथील प्रसिद्ध सेवानिवृत्त वैद्यकीय अधिकारी डॉक्टर बद्रीनारायण मुंदडा यांच्या निवासस्थानी मोठ्या उत्साहात भगवान श्रीकृष्ण यांचा जन्मोत्सव साजरा करण्यात आला.

रात्री दहा वाजल्यापासून ते एक वाजेपर्यंत श्री. कालीदेवी संस्कृतिक सेवा मंडळाच्या भजनी मंडळाने भगवान श्रीकृष्ण यांच्या जीवनावर आधारित असलेली गीते सादर केली यावेळी श्रीकालेजी देवी सांस्कृतिक सेवा मंडळाचे प्रमुख राम प्रसाद सोनी यांच्या प्रमुख मार्गदर्शनाखाली डॉ. सुरेश मेगदे, सदाशिव पुयड, आरविंद पिंगळे, कालीदास चौधरी, गंगाधर डांगे पाटील, रामराव बोधनकर, राम सोनटक्के, रवि शहाणे, आशिष कालानी यांनी भक्तीमय भजन संध्या सादर केली.

या वेळी भजनाची सुरुवात "ओंकार स्वरूपा सदगुरु समर्था " या गिताने करण्यात आली.

रात्री १२ वाजता कृष्ण जन्माचा कार्यक्रम पार पडला या वेळी डॉ. बद्रीनारायण मुंदडा, सौ. संध्याताई मुंदडा, डॉ. गिरीश मुंदडा, डॉ. प्रफुल्ल मुंदडा, सौ.सरस्वतीताई मुंदडा, डॉ.हर्षाताई मुंदडा, जसराज मुंदडा व परीवारा सोबत भजन मंडळाने उत्सव साजरा केला.

डॉ. बद्रीनारायण मुंदडा यांच्या घरी मागिल ५९ वर्षा पासुन जन्मोत्सवाची परंपरा कायम चालत आली असुन या जन्मोत्सवात श्री.कालेजी देवी सांस्कृतीक सेवा मंडळाचे संस्थापक कै.यशवंतराव डांगे, कै.गंगासिहजी लाला ठाकुर, कै.राजाराम मल्लेवार, बाळु मामा टाक व कमलाकरराव देशपांडे ही जुनि मंडळी निरंतर सेवा देत होती आजही त्यांचा वारसा श्री.कालेजी देवी सांस्कृतीक सेवा मंडळाच्या माध्यमातुन अविरत चालु असल्याची महिती डॉ. बद्रीनारायण मुंदडा यांनी या वेळी मनोगत व्यक्त करताना दिली.

कार्यक्रमाची सांगाता "एक राधा एक मिरा" या गिताने करण्यात आली.

कार्यक्रमाचे शेवटी मुंदडा परिवाराच्या वतीने भजनी मंडळाच्या सर्व सदस्यांचा सन्मान करण्यात आला व उपस्थिती लावल्या बद्दल आभार मानले.