मुदखेड / तालुका प्रतिनिधी
मुदखेड तालुक्यातील महाटी येथे अण्णाभाऊ साठे यांची १०१ वी जयंती मोठ्या उत्साहात साजरी करण्यात आली.पहिल्या प्रथम महापुरुषांच्या प्रतिमेचे पूजन मान्यवरांच्या हस्ते करण्यात आले नंतर लालध्वाजाचे ध्वजारोहण तंटामुक्ती अध्यक्ष प्रभाकर ढगे यांच्या हस्ते करण्यात आले.
कार्यक्रमाचे प्रास्ताविक जि.प.प्रा.शाळेचे मु.अ एच.पी.माळी यांनी केले.अण्णाभाऊ साठे यांच्या जीवनावर बाबुस ढगे यांनी विचार मांडले. अण्णाभाऊ साठे यांनी दिड दिवस शाळा शिकुन साहित्यिक झाले.आपल्या कांदबरी मध्ये तळागाळातील लोकांच्या व्यथा मांडल्या असे मनोगतात सांगितले.
शालेय व्यवस्थापन समिती अध्यक्ष संभाजीराव ढगे यांनी ही अण्णाभाऊ साठे यांच्या जीवनावर प्रकाश टाकला.अण्णाभाऊ यांच्या साहित्यातून दुःख दारिद्रय आणि कामगारांची व्यथा मांडल्या ते साहित्य जगभर प्रसिद्ध झाले शोषित पिडीत समाजाला न्याय मिळवून दिला.शाहिरीच्या माध्यमातून त्यांनी शिवाजी महाराजांचा पोवाडा दुसऱ्या देशात गायला असे सांगून छत्रपती शिवाजी महाराज, डॉ बाबासाहेब आंबेडकर, महात्मा फुले,शाहु महाराज, अण्णाभाऊ साठे यांची कास धरावी असे विचार मांडले.
यावेळी सरपंच प्रतिनिधी बळी ढगे, पाणी पुरवठा चेअरमन माधवराव गाढे,हानमंत ढगे, विठ्ठल ढगे, प्रदिप ढगे,बाबु जाधव, संभाजी जाधव,संघदीप ढवळे, शामराव जाधव आदी उपस्थित होते.
कार्यक्रम यशस्वी करण्यासाठी कपिल गागलवाड, संजय गागलवाड, मुन्ना गागलवाड, अर्जुन गागलवाड, विनोद गागलवाड आदींनी परिश्रम घेतले.
कोणत्याही टिप्पण्या नाहीत:
टिप्पणी पोस्ट करा