जिल्हा परिषद, पंचायत समिती , कृषी उत्पन्न बाजार समिती आणि नगर परिषद निवडणूक केंद्रित करून शिव संपर्क अभियानाची सुरुवात !
मुदखेड/ तालुका प्रतिनिधी /आतीक अहेमद
शिवसेना पक्षाचे पक्ष प्रमुख तथा विद्यमान मुख्यमंत्री उद्धव ठाकरे यांच्या वाढदिवसानिमित्त दहा दिवस शिव संपर्क अभियान घेतले जात आहे. याचाच एक भाग म्हणून मुदखेड तालुक्यात दि.१७ जुलैपासून शिव संपर्क अभियान जोमाने सुरू करण्यात आले.शिवसेना जिल्हाप्रमुख आनंदराव बोंडारकर यांच्या प्रमुख उपस्थितीत जि.प मुगट गट ,पं.स.माळकौठा गण,पं.स. निवघा गण आणी जि.प.बारड गट येथे कार्यक्रम घेण्यात आले .
यावेळी भोकर विधानसभा क्षेत्र नेते तथा उपसरपंच बाळासाहेब देशमुख, जिल्हा परिषद सदस्य बबनराव बारसे ,शेतकरी नेते प्रल्हाद इंगोले , भोकर विधानसभा समन्वयक परमेश्वर पांचाळ ,विश्वंभर पवार, पिंटू पाटील वासरीकर, मुदखेड तालुका प्रमुख संजय पाटील कुरे, माजी जि प सदस्य शिवाजी पाटील कस्तुरे ,अर्धापूर पंचायत समिती उपसभापती अशोक कपाटे ,बाळू पाटील ,माणिक लोमटे, सुरेश शेट्टे आदी प्रमुख उपस्थिती होती
बारड या ठिकाणी प्रथमच शिवसेनेचा मोठा कार्यक्रम झाले याची सर्वत्र चर्चा होत आहे .सर्वप्रथम छत्रपती शिवाजी महाराज यांच्या व बाळासाहेब ठाकरे यांच्या प्रतिमेचे पूजन करण्यात आले मान्यवरांचे स्वागत करून प्रास्ताविक माणिक लोमटे यांनी केले त्यानंतर विश्वंभर पवार,शिवाजी कस्तुरे ,प्रल्हाद इंगोले, बबनराव बारसे, बाळासाहेब देशमुख आणी शिवसेना जिल्हाप्रमुख आनंदराव बोंडारकर यांनी शिवसेना संपर्क अभियानाची भूमिका स्पष्ट केली. यावेळी सभासद नोंदणी सुरू करण्यात आली
कोणत्याही टिप्पण्या नाहीत:
टिप्पणी पोस्ट करा