गावातील गुणवंत विद्यार्थीनीच्या हस्ते ग्रामपंचायतचे ध्वजारोहण

 बारड ग्रामपंचायतीचा अभिनव उपक्रम 

संपादक आशिष मुगटकर

ध्वजारोहण:- गुणवंत विद्यार्थीनी कु.स्वेता देशमुख ग्रामपंचायत कार्यालय बारड येथे ध्वजारोहण करताना.

नांदेड विशेष प्रतिनिधी/ मनोज कमटे

मुदखेड तालुक्यातील बारड येथे अभिनव उपक्रम घेतले जातात, २६   जानेवारी रोजी  माध्यमिक शालांत बोर्ड परीक्षा  प्रथम क्रमांकावर उत्तीर्ण  झालेली कु. स्वेता सुरेशराव देशमुख या गुणवंत विद्यार्थ्यांनीच्या हस्ते ध्वजारोहण करण्यात आला. सरपंच निवड झाली नाही . प्रशासक कैलास गायकवाड व ग्राम विकास अधिकारी अनुप श्रीवास्तव  यांनी स्वतःच्या हस्ते ध्वजारोहण न करता गावातील इयत्ता दहावीला सर्वाधिक गुण घेऊन उत्तीर्ण  विद्यार्थिनीच्या हस्ते ध्वजारोहण करण्याचा मान दिला. 

या दिवशी  प्रजासत्ताक दिनाचे औचित्य साधत विविध विकास  कामाचे उद्घाटन करण्यात आले. या वेळेस जिल्हापरिषद हायस्कुल शाळेमध्ये डॉ.ए.पी.जे.अब्दुल कलाम वाचनालयाचे उदघाटन उपसरपंच  बाळासाहेब देशमुख बारडकर व  राष्ट्रपती पुरस्कारप्राप्त वाकडे गुरूजी  यांच्या हस्ते करण्यात.

 जिल्हा परिषद कन्या शाळा येथील विद्यार्थीसाठी  जलशुद्धीकरण यंत्राची सुरूसुरूवात   जेष्ठ नागरिक पंडितराव देशमुख, मझहर शेख, दौलत शेख यांच्या हस्ते करण्यात आले. जिल्हा परिषद कन्या शाळा येथील खोली  बांधकामचे उदघाटन  सदस्य प्रभाकर आठवले यांच्या हस्ते करण्यात आले. तसेच गावातील मुलांना क्रिकेट नेट प्रॅक्टिस करिता क्रिकेट पिच तयार करण्यात आले याचे देखील उदघाटन करण्यात आले.

 या वेळेस विलासराव देशमुख, माणिकराव लोमटे, दिगंबर टिपरसे, कैलास फुलकुंठवार, किशन देशमुख,अवधूत सिरगिरे, प्रदीप देशमुख, प्रभाकर भीमेवार, मोहन सुर्यलाड, गजानन कत्रे, शरद कवळे, शिवाजी बुरुडे, वसंत लालमे, जेष्ठ नागरिक रघुनाथराव देशमुख, शिवाजीराव देशमुख, किशोर देशमुख, शामराव देशमुख, यशवंत पवार, बाबुराव लोमटे, संदीप पानबुडे  तलाठी अंजली बार्शीकर  आदींची उपस्थिती होती.