दरोडेखोरांना पकडण्यास मुदखेड पोलिसांना यश : दोघांना अटक मोरक्या मात्र फरार

 मुदखेड शहरातील सराफा व्यापाऱ्यांना बंदुकीचा धाक दाखवून लुटण्याच्या प्रकरणांतील

संपादक आशिष मुगटकर

मुदखेड शहर प्रतिनिधी/ अतिक अहेमद

 मुदखेड शहरातील सराफ व्यापारी राघवेंद्र पपितवार वय ३५ हे यांच्या नोकरा सोबत रात्री साडेआठ वाजता दुकान बंद करून जात असताना त्यांच्यावर बंदुकीचा धाक दाखवत यांचे बॅग व पैसे लुटण्याचा प्रयत्न करणाऱ्या दरोडेखोरांना पकडण्यात मुदखेड पोलिसांना यश मिळाले असल्याने दोघांना अटक करण्यात आली असल्याची माहिती  पोलीस निरीक्षक सूनील निकाळजे यांनी यावेळी दिली आहे.

याप्रकरणी फिर्यादी राघवेंद्र पपितवार यांनी दुकान बंद करत असताना स्वतः पपितवार आणि त्यांचा नोकर शुभम चंद्रे हे दोघेजण सेटर लावत असताना त्याठिकाणी स्प्लेंडर मोटर सायकल वरती तिघे जन आले आणि चाकू आणि बंदुकीचा धाक दाखवत त्यांची बॅग आणि रोख रक्कम साहित्य,पळविण्याच्या प्रयत्न केला होता परंतु फिर्यादीने आरडाओरडा व प्रतिकार केल्याने ते तिघे जन मोटरसायकल ने पळून गेले या प्रकरणी मुदखेड पोलिसात  गुन्हा दाखल करण्यात आला होता या प्रकरणाचा छडा लावण्यासाठी मुदखेड पोलिसांनी पराकाष्टा केली असून अवघ्या काही दिवसातच आरोपीं हल्लेखोर दरोडेखोरांना पकडण्यात यश मिळवले आहे या प्रकरणी पोलीस उपमहानिरीक्षक नांदेड परिक्षेत, पोलीस अधिक्षक निसार तांबोळी,अप्पर पोलीस अधिकारी प्रमोद शेवाळे, अप्पर पोलीस अधीक्षक निलेश मोरे, उपविभागीय पोलीस अधिकारी कबाडे, उपविभागीय पोलीस अधिकारी बाळासाहेब देशमुख,यांच्या मार्गदर्शनानुसार पोलीस निरक्षर सुनील निकाळजे, से.पो.नी.भाले,पो.हे.का.किरण तेलंगे, केशव पांचाळ, चंद्रशेखर मुंडे, विजय आलेवार, रवि लोहाळे,बालाजी कदम,मकसूद, या पोलीस कर्मचारी पथकाकडून वरिष्ठांच्या मार्गदर्शनाखाली त्यांच्या सुचने नुसार तपास करत असताना दिनांक ६/ ११/२०रोजी दोन संशयित इसमाची नावे १) हनमान कोंडीबा पल्लेवाड वय २३वर्षे, राहणार सन्मित्र कॉलनी मुदखेड २) विश्वजित दिगंबर गिरी वय २० वर्ष राहणार बापूसाहेब नगर मुदखेड तालुका मुदखेड यांना ताब्यात घेऊन तपासले असता त्यांनी गुन्हा केल्याची कबुली दिली आहे गुन्ह्यात वापरलेले रिवाल्वर, चाकू व मोटर सायकल इतर साथीदाराकडे आहेत असे त्यांनी यावेळी सांगितले आहे.

यावरून आरोपींना न्यायालयासमोर हजर करून पोलीस कोठडी पाच दीवस रिमांड घेऊन आरोपीच्या साथीदाराचा शोध घेणे चालू आहे नमूद गुन्हा कट रचून करण्यात आलेला आहे कट प्रमुख यांचे नाव निष्पन्न झाले असून त्यांना लवकरच छडा लावून ताब्यात घेऊन मुदखेड शहरातील अशाप्रकारे घडलेल्या घटनेचा शोध लावण्यात येणार असल्याचे पोलिसांनी सांगितले आहे तर सोबतचा साथीदार फरार मोरक्या ला तपास मोहीम गतीने राबवत लवकरच ताब्यात घेण्यात येईल अशी माहिती पोलिस निरीक्षक सुनील निकाळजे यांनी यावेळी सांगितले आहे.