ऊस विकास कार्यक्रमांतर्गत आंतरपिकावरील शेतीशाळा .
 |
| बीज प्रक्रिया :- वासरी येथे ऊस विकास कार्यक्रमाअंतर्गत ऊस+ हरभरा या आंतर पिकावर बीज प्रक्रियेचे प्रात्यक्षित पाहताना शेतकरी मित्र, प्रशिक्षक, शेतकरी यावेळी उपस्थित होते |
मुगट / प्रतिनिधी
दि.५.रोजी मुदखेड तालुक्यातील वासरी येथे ऊस विकास कार्यक्रमांतर्गत ऊस + हरभरा आंतरपीकाच्या शेतकरी शेतीशाळेस सुरूवात करण्यात आली.
आजच्या शेती शाळेमध्ये शेतकऱ्यांची निवड करण्यात आली. शेतीशाळा प्रशिक्षक राम कपाटे यांनी 'ऊस विकास कार्यक्रम' योजनेची आणि शेतीशाळा आयोजित करण्यामागे असलेले उद्देश याविषयी माहिती दिली. ऊस पिकामध्ये हरभरा आंतरपीक लागवडीचे महत्व सांगून लागवड करण्याची पद्धती तसेच लागवडीपूर्वी हरभरा बियाणे बीजप्रक्रियाचे फायदे सांगितले. कृषी मित्र विठ्ठल लष्करे यांनी बीजप्रक्रिया प्रात्यक्षिक करून दाखवले. त्यानंतर निवड केलेल्या शेतकऱ्यांना हरभरा बियाणे व जिवाणू संघ चे वाटप करण्यात आले. शेतीशाळा यशस्वीतेसाठी कृषी मित्र विठ्ठल लष्करे यांनी मेहनत घेतली. या शेतीशाळेस गंगाधर मुतकलवाड, चक्रधर खानसोळे, उकाजी येडे, माधव मुतकलवाड, गणेश उमाटे, बापूजी उमाटे, माधव उमाटे, दत्ता खानसोळे व गावातील शेतकरी उपस्थित होते.
कोणत्याही टिप्पण्या नाहीत:
टिप्पणी पोस्ट करा