शहरात मुसळधार पावसामुळे नांदेड व इतर गावांना जोडणाऱ्या सीता नदीत पूरसदृष्य परिस्थिती

 मुदखेड ते नांदेड वाहतूक काही काळासाठी ठप्प . 

संपादक आशिष मुगटकर

  पाणी रस्त्यावर :- मुदखेड ते नांदेड या मुख्य रस्त्यावर सीता नदीचे पाणी आल्यामुळे वाहतूक व्यवस्था काही काळासाठी ढासळली होती

मुदखेड/शहर प्रतिनिधी /अतीक अहेमद

      मुदखेड तहसील व शहरात काल रात्री ०४:०० ते ०५:००  दरम्यान विजांच्या कडकडाटासह मुसळधार पावसामुळे शहराच्या उत्तर व दक्षिण भागामधून वाहणारी सीता नदीचा प्रवाह जास्त वाढल्याने मार्गावरील सामान्य वाहतूक विस्कळीत झाली. पर्यटकांना पाण्याचा प्रवाह कमी होण्याची प्रतीक्षा करावी लागली.

          १० सप्टेंबर ते १६ सप्टेंबर दरम्यान हवामान खात्याने मराठवाडा विभागात मुसळधार पावसाचा अंदाज घेऊन सावधगिरी बाळगण्याचे आवाहन केले होते पण १६ सप्टेंबरनंतरही १८ सप्टेंबरच्या रात्रीप्रमाणे संपूर्ण पावसाळ्यात इतका मुसळधार पाऊस झाला नव्हता परंतु काल रात्री मुगट विभागात ११ मिमी, मुदखेड विभागात ५५ मिमी, पर्यजन्यमाण विभाग सहाय आशाताई मेटकर यांनी ५५ मिमी फोनवर माहिती दिली आणि ६५ मिमी पेक्षा जास्त पाऊस अतिवृष्टी चा मानला जाऊ शकतो असे सांगितले. दरम्यान, शहरातील सीता नदीमुळे झालेल्या पूरात शहरातून नांदेड, मुगट, ईजळी, बारड, निवाघासह इतर ग्रामीण भागात जाणाऱ्या  लोकांना थांबावे लागले.

पुराचे पाणी रस्त्यावर :- मुदखेड ते बारड या रस्त्यावर सीता नदीला आलेल्या पुराच्या पाण्यातून  रस्ता काढताना दुचाकी स्वार.

         कोरोना महामारीच्या साथीमुळे रेल्वे मार्ग बंद असल्यामुळे सामान्य नागरिकांना नांदेड शहर व इतर ठिकाणी जाण्यासाठी केवळ पृष्ठभागाच्या वाहतुकीवर अवलंबून राहावे लागले, सीतानदीत पाण्या पातळी वाढल्यामुळे शहरातील अहिल्याबाई चौक पर्यंत नागरिकांसह वाहणांची गर्दी होती कोणत्याही अनुचित घटनेची माहिती नाही.               स्थानीक पोलिसांचे पोलिस हेड कॉन्स्टेबल बी.डी. ठाकूर, पोलिस कर्मचारी बोंनिवाड, आवळे इत्यादींनी नांदेड व इतर ठिकाणी येण्यासाठी, जाण्यासाठी चोख बंदोबस्त ठेवत नागारिकांना पाण्याच्या प्रवाहात न जाता प्रतिक्षा करत पाणी कमी होईपर्यंत थांबण्याचे आवाहन केले. दरम्यान दुपारी ठीक ०१:३० वाजता नदीची पाणी पातळी कमी झाल्याने नंतर वाहतूक सुरुळीत झाल्याची माहिती मिळाली.