पाटनूर येथील युवकांना अजगराचे छायाचित्र पडले महागात.

नांदेड/ प्रतिनिधी /आशिष कल्याणे                                                                            मुदखेड तालुक्यातील पाटनूर येथील  एका युवकाने गावातील व्हाट्सअप ग्रुप वर मारलेल्या अजगराला ओढून नेतानाचे  छायाचित्र टाकने चांगलेच महागात पडले आहे. गावातील ग्रामपंचायत या नावाने हा व्हाट्सअप ग्रुप चालतो. या मारलेल्या अजगराचे छायाचित्र पाहून या घटनेची वनविभागा कडून स्वतःहून गंभीर दखल घेतली गेली.                                                                  पाटनूर गावातील सात जणांविरुद्ध वन्यजीव संरक्षण अधिनियमांतर्गत गुन्हा दाखल करून त्यांना अटक करण्यात आली आहे. परमेश्वर कोकाटे,सटवाजी डुमणे,राजू गायकवाड,पंडित कोकाटे,आप्पाराव कोकाटे, रामा पतंगे, नागोराव मिरासे यांचा समावेश आहे. सदरील या गुन्ह्याची आरोपींनी कबुली ही दिली. उपवनरक्षक आशिष ठाकरे यांच्या मार्गदर्शनाखाली ही कारवाई करण्यात आली. सोबत सहाय्यक वनरक्षक डी.एस.पवार,वनपरिक्षेत्र अधिकारी श्रीधर कवळे, सचिव रामपुरे,वनपाल पी.ए धोंडगे,बी.ए. हदकळे आदी कर्मचारी सहभागी होते.