मोफत पाचशे चश्मे व औषधी वाटप : गोडसे परिवाराचा अभिनव उपक्रम
मुदखेड प्रतिनिधी
मुदखेड नगरीत स्व. राजमनीबाई विश्वनाथराव गोडसे यांच्या स्मृतिदिनानिमित्त आयोजित मोफत महाआरोग्य रोगनिदान शिबिरात सातशे रुग्णांची तपासणी करण्यात आली असून पाचशे रुग्नांना मोफत चष्म्यांचे तसेच औषधींचे वाटप करण्यात आले आहे. गेल्या नऊ वर्षांपासून गोडसे परिवाराच्या वतीने सामाजिक बांधिलकीचा अभिनव उपक्रम राबविला जात असून कौतुकास्पद ठरला आहे
माजी उपनगराध्यक्ष बालाजी गोडसे, काँग्रेस कमिटीचे शहराध्यक्ष कैलास गोडसे, सुरेश गोडसे या भावंडांच्या संकल्पनेतून शहरातील तसेच ग्रामीण भागातील विविध सामाजिक, शैक्षणिक, धार्मिक उपक्रम राबविले जातात. स्व. राजमनीबाई गोडसे यांच्या स्मृतिदिनानिमित्त दि. 4( शनिवार) महाआरोग्य रोगनिदान शिबिराचे आयोजन करण्यात आले होते. यावेळी गोडसे परिवाच्या वतीने प्रतिमेचे पूजन करण्यात येऊन सामूहिक अभिवादन करण्यात आले आहे. काँग्रेस कमिटीचे जिल्हा कार्याध्यक्ष पप्पू पाटील कोंडेकर, काँग्रेस कमिटीचे तालुका कार्याध्यक्ष मोहम्मद गौस, धोरन व संशोधन विभागाचे अध्यक्ष माधव हामंद, माजी नगराध्यक्ष लक्ष्मणराव देवदे, शेख करीम खाँ साहब, युवक काँग्रेसचे शहराध्यक्ष मुजीब पठाण, सूर्यकांत चौदंते, अविनाश चौदंते, गोविंद कालनी, शंकर राठी, केशवराव कदम, अतिक अहमद, आकाश सोनटक्क, संजय बोकेफोड, वेदांत शेवटे, बाळुतार शेट्टे, सुमित गोडसे, साई गोडसे, गणेश गोडसे, इमरान मच्छिवाले, गोविंद गोडसे, लक्ष्मण शहाने, शिवानंद देवके, यशवंत रनखांबे, गोविंद माळकोठे यांच्यासह आदींची उपस्थिती होती.
ग्रामीण रुग्णालयाचे वैद्यकीय अधीक्षक डॉ वैशाली एमेकर यांच्या मार्गदर्शनाखाली महाआरोग्य रोगनिदान शिबिरात नेत्ररोग, मधुमेह, रक्तदाब आदी रुग्णांची तपासणी करण्यात आली. हिंद लॅब यांच्याकडून रुग्णांचे रक्त तपासण्यात आले. वैद्यकीय अधिकारी डॉ. विशाल नागशेट्टीवार, डॉ प्रदीप उमनवार, डॉ गोवर्धन तातेवर, शुभम कांबळे, प्रदीप कांबळे यांनी रुग्णांची तपासणी केली. अशोक मामीडवार, राम पाचपोळे, विशाखा कनकुटे, साहेबराव खंडेलोटे, दीक्षा कांबळे, गजानन गोरे या सर्व आरोग्य कर्मचाऱ्यांचे सहकार्य लाभले.
गोडसे परिवाराने दरवर्षी लोकसेवेचा दृष्टीकोन समोर ठेवून विविध उपक्रम राबविले असून सामाजिक बांधिलकी जोपासली आहे. या उपक्रमास शहरातील व ग्रामीण भागातील नागरिकांचा उस्फुर्त प्रतिसाद मिळत आहे.- कैलास गोडसे( काँग्रेस कमिटी शहराध्यक्ष मुदखेड )
कोणत्याही टिप्पण्या नाहीत:
टिप्पणी पोस्ट करा