शेतकरी शिवसेना नेते प्रल्हाद इंगोले यांचा लढा यशस्वी !
नांदेड जिल्हा / प्रतिनिधी
महाराष्ट्र शुगर या बंद पडलेल्या कारखान्याचे परभणी जिल्हाधिकारी यांच्याकडे जमा झालेले दोन कोटी रुपये मिळण्याचा मार्ग मोकळा झाल्याने लवकरच पैसे शेतकऱ्यांच्या खात्यावर जमा होतील अशी माहिती शिवसेनेचे शेतकरी नेते तथा ऊस दर नियंत्रण मंडळाचे माजी सदस्य प्रल्हाद इंगोले यांनी दिली .
महाराष्ट्र शुगर सोनपेठ जि परभणी या बंद पडलेल्या साखर कारखाना कडे असलेल्या ४ कोटी २२ लाख रुपया पैकी एनसीएलटीने देऊ केलेले दोन कोटी रुपये परभणी चे जिल्हाधिकारी यांच्याकडे दोन वर्षांपासून जमा होते. ते पैसे कोणत्या शेतकऱ्यांना द्यायचे या संदर्भात प्रशासनाकडे कोणतीही माहिती उपलब्ध नसल्याने सदरील पैसे दोन वर्षापासून जमा होते . ऊसाचे रुपये शेतकर्यांना मिळावे यासाठी साखर आयुक्त ,परभणी जिल्हाधिकारी यांचे कडे अनेक वेळा शेतकऱ्यांना घेऊन आंदाेलने केली. निवेदन दिले.अनेक वेळा अधिकाऱ्यांसोबत चर्चा केल्या. शेवटी जिल्हाधिकारी आचल गोयल यांच्याशी चर्चा करून सदरील पैसे प्रादेशिक साखर सहसंचालक कार्यालय नांदेड यांच्याकडे कडे वर्ग करावेत असे ठरले. उच्च न्यायालय यांच्या आदेशानुसार तयार केलेल्या यादीप्रमाणे शेतकर्यांच्या खात्यावर जमा करता येतील हे पटवुन दिले. त्यामुळे परभणी जिल्हाधिकारी आचल गोयल , उपजिल्हाधिकारी महेश वडदकर यांनी सदर पैसे प्रादेशिक साखर सहसंचालक कार्यालय नांदेड यांच्याकडे वर्ग केलेआहे. शेतकर्यांचे अडकून पडलेले हे हजारो रूपये लवकरच शेतक यांना मिळतील असा विश्वास शिवसेनेचे शेतकरी नेते तथा ऊस दर नियंत्रण मंडळाचे माजी सदस्य इंगोले यांनी व्यक्त केला.
प्रल्हाद इंगोले, शिवसेना शेतकरी नेते तथा सदस्य ऊसदर नियंत्रण मंडळ महाराष्ट्र यांनी सतत या प्रकरणाचा पाठलाग केल्या मुळे यश आले आहे.
कोणत्याही टिप्पण्या नाहीत:
टिप्पणी पोस्ट करा