मुदखेड तालुका / प्रतिनिधी
मुदखेड येथील तहसील कार्यालयात १५ मार्च रोजी जागतीक ग्राहक दिना निमित्ताने विशेष कार्यक्रम घेण्यात आला.
कार्यक्रमाच्या अध्यक्ष स्थानी नायब तहसीलदार संजय नागमवाड हे होते. प्रास्ताविक शासनाच्या ग्राहक हित विभागाचे महेश गाजुलवाड यांनी केले. त्या नंतर ग्राहक पंचायत च्या तालुका अध्यक्ष केतकी चौधरी यांनी ग्राहक हित कडे लक्ष देण्याची आवश्यकता व्यक्त केली. ग्राहक चळवळी चे कार्यकर्ते मनोज कमटे व भुषण चक्करवार यांनी रेशन दुकान संबंधी तसेच वीज वितरण कंपनी संबंधी ग्राहकांना सतत मदत करावे असे मत मांडले.
तालुका ग्राहक विभाग मुख्य पुरवठा अधिकारी संजय जोगदंड यांनी रेशन कार्ड धारकांना जिल्ह्यातील कोणत्याही रेशन दुकानात धान्य देण्याची सोय आहे अशी माहिती दिली.
वीज वितरण कंपनी संबंधी ग्राहकांना ही मदत करू असे स्पष्ट केले. या बैठकीस मंडळ अधिकारी बालाजी कुराडे , प्रकाश लाठकर ,माहिती अधिकार कार्यकर्ते लढ्ढाजी , व्यापारी प्रतिनिधी विजयराव पेदे ,समाज सेवक डुबुकवाड अण्णा यांची प्रमुख उपस्थिती होती.
कोणत्याही टिप्पण्या नाहीत:
टिप्पणी पोस्ट करा