वासरी येथे अवैध वाळू उपसा करणाऱ्यांवर महसुलची धाड

 घटना स्थळी चार ब्रास वाळू व एक बोट सापडली...

संपादक आशिष मुगटकर

मुगट येथील गोदावरीच्या पात्रात सापडलेले तराफे पकडून जाळुन नष्ट करण्यात आले. यावेळी उपविभागीय अधिकारी राजेंद्र खंदारे,नायब तहसीलदार संजय नागमवाड, मंडळ अधिकारी बालाजी कुऱ्हाडे, तलाठी देशपांडे ,मगरे, पठाण, व इतर कर्मचारी या ठिकाणी उपस्थित होते.

मुगट वार्ताहार 

मुगट पासुन जवळ असलेल्या वासरी येथे महसुल प्रशासनाने  दि.२० रोजी रात्री ११च्या सुमारास केलेल्या धडक कारवाईत चार ब्रास वाळू,एक बोट,दोन व्यक्ती ना ताब्यात घेण्यात आले. त्यामुळे वाळुमाफिया सावध झाले आहेत.

वासरी येथील शेतकरी धर्माजी जळबा खानसोळे रा.वासरी यांच्या गोदावरी काठी असलेल्या गट.क्र.४२१ या शेताजवळील  नदी पात्रातुन बोटीच्या साह्याने नदी पात्रातुन अवैधरित्या चोरट्या मार्गाने उपसा करीत असल्याची माहिती तलाठी प्रवीण हाडे यांना मिळाली होती. उपविभागीय दंडाधिकारी राजेंद्र खंदारे ,मंडळ अधिकारी बालाजी कुऱ्हाडे,हयुम पठाण,तलाठी मारोती मगर,नरेंद्र मुडगुलवाड,व स्वता तलाठी प्रवीण हाडे हे सर्वजण मिळुन रात्री ११:०० वा.छापा मारला असता घटनास्थळी एकुण चार व्यक्ती होते.त्यातील दोघानी जागेवरुन पळ काढला पण त्यातील दोघांना ताब्यात घेण्यात यश आले.

गणेश मारोती खानसोळे रा.वासरी,कमलेश लालसिंग रा.हाथीगाव. उत्तर प्रदेश अशी  त्यांची नावे आहेत.या दोघांना पळुन गेलेल्याची नावे विचारली असता त्यांनी त्यांची नावे सांगीतली. त्यात प्रल्हाद गोविंदराव लष्करे रा.वासरी,माधव श्रीराम खानसोळे,रा.वासरी हे दोघाचा समावेश आहे.

गणेश खानसोळे यांना विचारणा केली असता त्यांनी प्रल्हाद लष्करे यांच्या सांगण्यावरून हे उत्खनन करत असल्याचे सांगितले.घटनास्थळी एक बोट व चार ब्रास वाळू गोदावरी पत्रातुन आढली आहे. या घटनेचा सविस्तर पंचनामा करुन घटनास्थळी मिळालेली बोटला परवाना धारक जिलेटिनच्या साह्याने नष्ट करण्याची कारवाई सुरू आहे.

अनाधिकृतरित्या गौण खनिजा (वाळू ) उपसा बोटीच्या साह्याने करुन चोरून विक्री करणाच्या उद्देशाने चार ब्रास वाळू किंमत १८०००/- ची काढली असुन त्यांच्या विरुध्द पर्यावरण संरक्षण अधिनयम १९८६ व चे कलम ६ व १५ व कलम १८८,३७९ भा.द.वि.व कलम ४८ महाराष्ट्र जमिन महसुल अधिनियम अन्वये मुदखेड पोलीस स्टेशन मध्ये गुन्हा दाखल करण्यात आला आहे.