शेतकऱ्यांना मोफत फवारणी, सुरक्षा किट व फॉरेमनट्रॅपचे वाटप,प्रगतिशील शेतकऱ्यांचा गौरव,कोरोना योद्धाच्या सन्मान .
नांदेड जिल्हा प्रतिनिधी
दि. ७ जुलै पद्मश्री डॉ. विठ्ठलराव विखे पाटील कृषी परिषदेच्या वतीने दरवर्षीप्रमाणे यंदाही शेतकरी दिन व पद्मश्री सहकार महर्षी डॉ विठ्ठलराव विखे पाटील यांच्या जयंतीच्या निमित्ताने शनिवार २८ ऑगस्ट रोजी दुपारी १२ वाजता तामसा ता हदगाव येथे जिल्हास्तरीय भव्य शेतकरी जागर मेळावा आयोजित केला असल्याची माहिती प्रदेशाध्यक्ष भागवत देवसरकर यांनी प्रसिद्धी पत्रकाद्वारे दिली आहे.
सहकार महर्षी पद्मश्री डॉ.विठ्ठलराव विखे पाटील यांच्या जयंतीनिमित्त महाराष्ट्रात शेतकरी दिन साजरा केला जातो,मागील आठ वर्षापासून पद्मश्री डॉ.विठ्ठलराव विखे पाटील कृषी परिषदेच्यावतीने कार्यक्रमाचे आयोजन केल्या जाते, याच अनुषंगाने तामसा ता. हदगाव येथे शेतकरी जागर मेळावा आयोजित केला आहे या कार्यक्रमामध्ये शेतकऱ्यांना मोफत फवारणी सुरक्षा किट व कापूस बोंड आळी नियंत्रणसाठी फॉरेमनट्रपचे वाटप करण्यात येणार आहे, परिसरातील प्रगतिशील शेतकऱ्यांचा गौरव व सन्मान,कोरोनाच्या काळात उल्लेखनीय कामगिरी करणाऱ्या कोरोना योद्धाच्या सन्मान यावेळी करण्यात येणार आहे.
शेतकऱ्यांना मार्गदर्शन करण्यासाठी परभणीच्या वसंतराव नाईक कृषी विद्यापीठाचे शास्त्रज्ञ, कृषी विभागाचे अधिकारी उपस्थित राहणार आहेत, कार्यक्रमाचं सर्व पक्षाच्या लोकप्रतिनिधीना,सर्व विभागाच्या अधिकारी यांना उपस्थित राहण्यासाठी निमंत्रण देण्यात येणार आहे,तसेच कार्यक्रमाच परिसरातील जास्तीत जास्त शेतकरी बांधवांना आमंत्रण देनार असल्याची माहिती पद्मश्री डॉ.विठ्ठलराव विखे पाटील कृषी परिषदेचे प्रदेशाध्यक्ष भागवत देवसरकर यांनी दिली आहे.
शेतकरी जागर मेळावा यशस्वी करण्यासाठी विविध समितीच्या गठन केले असून जिल्हाध्यक्ष ज्ञानोबा गायकवाड तालुकाध्यक्ष भगवान कदम विलास माने अविनाश कदम वायपणकर,पवन सूर्यवंशी, शेख रहीम गजानन कंठाळे विक्रम शिरसागर, सुनील ताकतोडे नंदू पाटील महेश गोरेगावकर,अविनाश देवसरकर आनिल देवसरकर सोनू देशमुख मारोती पवार वडगावकर यांच्यासह परिसरातील पदाधिकारी नियोजन करत आहेत.
कोणत्याही टिप्पण्या नाहीत:
टिप्पणी पोस्ट करा