पूरग्रस्तांसाठी मुदखेड तालुक्याच्या वतीने "हात मदतीचा"अभियानाचे आयोजन.
मुदखेड शहर प्रतिनिधि /अतीक अहमद
राज्यभर गेल्या कांही दिवसात पावसाने हाहाकार माजवून प्रचंड नुकसान व प्राणहानी केली आहे विशेषतः पश्चिम महाराष्ट्रातील सांगली, सातारा, कोल्हापूर कोकणातील रायगड, रत्नागिरी, सिंधुदुर्ग या जिल्ह्यात प्रचंड अतिवृष्टी व महापुरा मध्ये गावात पाणी शिरल्यामुळे घरे जमीनदोस्त झाली आहेत अनेक लोकं वाहून गेली तर अनेक मृत्युमुखी पडले आहेत लोकांच्या घरात पाणी शिरल्यामुळे लोकांना आपली घरे सोडावी लागली आहेत.
आपले राज्य सरकार व विविध सामाजिक संस्था योग्य ती मदत पोहोचविण्यासाठी प्रयत्न करीत आहेत,राष्ट्रवादी कांग्रेस पक्षाने कायम सामाजिक वृत्त जोपासले आहे,पक्षाचे राष्ट्रीय नेते मा. शरदचंद्रजी पवार साहेब, उपमुख्यमंत्री मा.ना. अजित दादा पवार साहेब, प्रदेशाध्यक्ष जयंतराव पाटील साहेब यांनी अतिवृष्टी भागातील पूरग्रस्त जनतेसाठी मदतीचा एक हात पुढे करुन राज्यातील दानशूर व्यक्तींनी आपल्या स्तरावरून मदत करण्याचे आवाहन केले आहे.
त्या पार्श्वभूमीवर राष्ट्रवादी काँग्रेस पार्टीचे मुदखेड तालुकाध्यक्ष शिवानंद पाटील शिप्परकर यांच्या नेतृत्वाखाली तालुक्यात "एक हात मदतीचा" या अभियानाद्वारे पूरग्रस्तांसाठी मदत फेरीचे आयोजन करण्यात आले होते. शहरातील सर्व छोटे-मोठे किराणा दुकान,आडत व्यापारी, कापड दुकानदार, जनरल स्टोअर्स, हातगाडी वाली, पानटपरी वाले,मेकॉनिकल, सामाजिक कार्यकर्ते, डॉक्टर्स, मेडिकलचालक, सर्व सामान्य नागरिक या सर्व दानशूर व्यक्तींनी या अभियानाला मोठा प्रतिसाद देत सढळ हाताने समोर येऊन मदत केली आहे.
यावेळी विद्यार्थी आघाडीचे प्रशांत कल्याणे, तालुका सरचिटणीस संदीप पवार, मोहम्मद बुराण, आशिष कल्याणे, पांडुरंग पाटील उपासे,मोहम्मद अली, शेख अहेमद सौदागर, पद्माकर बोकेफोडे, मोहम्मद मुस्ताक, जळबाजी हाटकर, माधव व्यवहारे,रामा गुंजकर, सोनु निखाते आदी कार्यकर्ते उपस्थित होते.
कोणत्याही टिप्पण्या नाहीत:
टिप्पणी पोस्ट करा