अवैद्य रेती उत्खनन करणारे तीन तराफे लागले हाती
मुदखेड/ तालुका प्रतिनिधी
मुदखेड तालुक्यातील मुगट,आमदुरा परिसरातील गोदावरी नदी पात्रात अवैद्य रित्या रेती उत्खनन करणाऱ्या रेती माफियावर महसूल विभागाने धाड टाकून कारवाई केली.त्यात त्यांच्या हाती वाळु काढन्याचे तीन तराफेच हाती लागले.महसुल विभागाने ते तराफे जाळून टाकून नष्ट करण्यात आले.या परिसरात मोठ्या प्रमाणावर वाळु तराफ्याच्या साहाय्याने काढने चालुच आहे. गोदावरी घाटात एका तराफ्या मार्फत रेती माफिया रेती उत्खनन करत असतानाची माहिती महसूल पथकाला मिळाल्यामुळे ही धडक कारवाई करण्यात आली.
महसूल विभागाचे उपविभागीय अधिकारी राजेंद्र कंधारे तहसीलदार दिनेश झांपले यांच्या मार्गदर्शना खाली मंडळ अधिकारी बी.डी. कुराडे,तलाठी खेडकर,घंटापल्ले,मुगट पो.पा. पथकाच्या मार्फत यावेळी धाड टाकण्यात आली. एका तराफ्या च्या साह्याने रेती माफिया नदीपात्रात रेती उत्खनन करताना आढळला परंतु तो महसूल पथकाच्या हाती लागला नसून त्यांनी नदीपात्रात उडी घेऊन फरार झाल्याची घटना या ठिकाणी घडली असल्याचे मंडळ अधिकारी बी.डी. कुराडे यांनी यावेळी सांगितले
याआधी महसूल पथकाने चिलपिंपरी गोदाघाट,वासरी, शंखतीर्थ या शिवारातील गोदावरी पात्रातील रेती उत्खनन स्पॉटवर वाळू माफिया यांच्या तराफे बोटींवर कारवाई करून बोटी तराफे उध्वस्त करुन कारवाई करण्यात आली होती परंतु नदीपात्रात या परिसरात उत्खनन होत असल्याने महसूलच्या हाती बडे मासे अद्याप लागले नसल्याने रेती उत्खनन चोरी चुपके सुरूच आहे. यावर महसूल पथक रेती माफीयावर नजर ठेवून असल्याने रेती माफिया वर निश्चितच आळा बसेल असे हमी महसूल पथका कडून यावेळी हमी दिली आहे.आमदुरा, मुगट परिसरात तीन तराफे हाती लागल्याने या तिने तराफ्यावर कारवाई करुन जाळून टाकुन नष्ट करण्यात आले आहेत
कोणत्याही टिप्पण्या नाहीत:
टिप्पणी पोस्ट करा