मुगट येथे चोरीचे सत्र सुरच.

 एकाच रात्री चार ठिकाणी चोरी.

  गावकऱ्यांत भितीचे वातावरण.

मुगट / प्रतिनीधी

मुगट येथे दि.१७ रोजी रात्री ला २च्या सुमारास चोरट्यांनी गावातील चार वेगवेगळ्या ठिकाणी चोरी करून नगद रोख रक्कम लंपास केली आहे.

दि.१७ रोजी रात्री १वाजल्या पासून पाऊस व वीजेच्या गडगडाट चालूच  होता.त्याच वेळेस रात्री गावातील सर्व लाईट बंद झाली.याच अंधाराचा व पावसाचा फायदा घेऊन चोरट्यांनी  गावातील मुख्य रस्त्यावर असलेल्या एस बी आय बँक शेजारी असलेल्या मेडिकल फोडून त्यातील  चोरट्यांनी चोरी करून नगद ५५रोख रक्कम लंपास केली असे मेडिकल चालक यांनी सांगितले. 

 अंगणवाडी सेविका यांच्या बंद घराचे कुलूप तोडून आत प्रवेश केला.याच घरात पुर्वीसुध्दा चोरी करण्यांत आली होती परंतु हाती केवळ कागदाची पिशवी घेऊन चोर पसार झाले होते. गावाच्या जवळ ती पिशवी व कागदपत्रे फेकून दिली. घरातील कपाट काडुन सामान बाहेर फेकुन दिले.मात्र त्याच्या हाती काही लागले नाही.शेजारी असलेल्या दुकानदारांचे सुद्धा बंद घर सुध्दा दुसऱ्यादा फोडले.या घरात कुणी राहत नसल्याने हाती काहीच लागले नाही.

 शेवटी गावात असलेल्या आखाड्यात झोपलेल्या व्यक्तीच्या घराचे कुलूप तोडून आत प्रवेश केला पैसे ठेवत असलेल्या ठिकाणाहून चांगली च रक्कम त्यांच्या हाती लागली. रोख रक्कम लंपास करून चोर अंधाराचा फायदा घेऊन पसार झाले.

यापुर्वीही मागणी दोन महिन्यापुर्वी चोरट्यांनी अशाच प्रकारे गावात चोरी केली होती.ही गावातील चोरीची ही दुसरी घटना आहे.त्यामुळे गावातील लोकांच्या मनात चोरांची भिंती निर्माण झाली आहे.

या घटनेची माहिती मिळताच मुदखेड पोलिस जमादार आलेवार यांनी घटनास्थळी भेट देवून पाहणी केली. सोबत गावातील पोलिस पाटील भगवान हाटकर हे होते.