नांदेड जिल्हा प्रतिनिधी
मागील आठवड्यात उत्तर प्रदेश राज्यातील कानपूर जिल्ह्यातील जश्न इदे मिलादुन्नबी च्या मिरवणुकीत मुस्लिम समाजातील २५ युवकांवर मिरवणुकीत आय लव यू मोहम्मद असे फलक हातात झळकताना असताना कानपूर जिल्हा पोलीस प्रशासनाकडून युवकांवर गुन्हे दाखल करत अटक करण्यात आली या घटनेच्या निषेधार्थ आज दिनांक १९ सप्टेंबर रोजी दुपारी दोन वाजता शहरातील तहसील कार्यालयात सकल मुस्लिम समाजाने निवेदन देत युवकांवरील गुन्हे रद्द करण्यात यावे आणि प्रकरणाची सखोल चौकशी करत दोषींवर कारवाई करण्यात येण्याची मागणी केली महामहीम राष्ट्रपती यांना तहसील प्रशासनाच्या माध्यमातून यावेळी तहसीलदार डॉक्टर आनंद देऊळगावकर आणि पोलीस निरीक्षक धीरज चव्हाण यांनी समाजाकडून निवेदन स्वीकारले.
भारतीय राज्यघटनेच्या अनुच्छेद २५ आणि २६ च्या अनुसार प्रत्येक भारतीयांना धार्मिक स्वातंत्र्य आणि भाषण स्वातंत्र असून प्रत्येक नागरिकांना आपल्या धर्मानुसार समाजात धार्मिक विधी पार पाडण्याचा अधिकार असून व धार्मिक प्रचार आणि प्रसार करण्याचा अधिकार असताना कानपूर जिल्हा पोलीस प्रशासनाने मुस्लिम युवकांवर दाखल केलेले गुन्हे हे बेकायदेशीर असून त्वरित हे गुन्हे रद्द करण्यात यावे आणि आणि संबंधित प्रकरणाची सखोल चौकशीत करत पोलीस प्रशासनाच्या दोषी अधिकाऱ्यांवर कारवाई करण्यात यावी अशी मागणी निवेदनाद्वारे करण्यात आली.
यावेळी सकल मुस्लीम समाजातील धार्मिक गुरु मुफ्ती सुलेमान हाफीज, इमरान रजामौलाना जमील, हाफीज अतिक रेहमान,हाफीज रिजवान ,हाफीज याहया, हाफीज हारुण ,हाफिझ श मशिर सह , सामाजिक कार्यकर्ते , राजकीय पुढारी आणि युवकांची मोठया संख्येत उपस्थिती होती.
कोणत्याही टिप्पण्या नाहीत:
टिप्पणी पोस्ट करा