मुगट वार्ताहार
मुगट येथे दि. १५ ऑगस्ट २०२५ रोजी मुगट ग्रामपंचायत कार्यालय ग्रामसभेचे आयोजन करण्यात आली होती.
ग्रामसभेला मोठ्या प्रमाणात गावातील नागरिक उपस्थित होते. गावात ग्रामपंचायत कडून गावात विकासाच्या नावाखाली केलेली अनेक कामे कागदपत्रे झाली असून त्यात मोठा भ्रष्टाचार झाल्याचे गावातील युवकांनी शासकीय मोबाईल ॲपच्या माध्यमातून वाचून काढला.
सरपंच, उपसरपंच प्रतिनिधी यांना बसस्थानक, वाचनालय व इतर कामाविषयी खुलासा करता आला नाही. गावातील युवकांनी त्यांना गावातील विकास कामाविषयी अनेक प्रश्न विचारले परंतु त्यांना उत्तरे देता आले नाही.
मागील तीन-चार महिन्यापूर्वीच नवीन ग्रामसेवक श्रीनेवार यांनी ग्रामसभेत सरपंच, उपसरपंच सह सांगितले होते की, तुमच्या सर्व समस्याचे निरसन करण्यासाठी वेळ द्या.मी नवीन आहे संपूर्ण हिशोब देण्यासाठी आपण पुन्हा १७ सप्टेंबरला ग्रामसभेचे आयोजन करू यावर युवक समाधानी झाले होते.परंतु १७ सप्टेंबर पूर्वीच ग्रामसेवक श्रीनेवार यांनी आपल्या तब्येतीचे कारण पुढे करत ग्रामसभेपूर्वीच रजा घेतली की घेण्यास भाग पाडले ? त्यांच्या ठिकाणी सद्या तात्पुरत्या ग्रामसेवीका म्हणून एका महिला ग्रामसेवीका दि.१५ रोजी मुगटला रुजू झाल्या. गावा मध्ये मोठ्या संख्येने झालेला भ्रष्टाचार दडपण्यासाठी, ग्रामसभा न घेण्यासाठीच सरपंच, उपसरपंच यांनी जाणून-बुजून ग्रामसेवक महिला ग्रामसभेपूर्वीच रुजू केल्या मुळे गावात याविषयी उलट सुलट चर्चा सुरू आहे.
नूतन महिला ग्रामसेवीका आल्यामुळे त्यांना यापूर्वीचा मुगट ग्रामपंचायतचा कोणताही कारभार माहित नाही ?. गावातील समस्या, मागील हिशोब यावर त्या पण उत्तर देऊ शकणार नाहीत. त्यामुळे जाणून बुजून या ठिकाणी महिला ग्रामसेवीका आणून बसवण्यात आली आहे.
ग्रामपंचायत कडून केलेला भ्रष्टाचार लपवण्यासाठी या ठिकाणी वेळ काढू पणा केला जात आहे. असा आरोप गावकरी करत आहे.
{सरपंच, उपसरपंच यांनी संगणमत करून हेतू पुरस्कार पणे या ठिकाणी ग्रामसेवकाला ग्रामसभेपूर्वी सक्तीची रजा घेण्यास भाग पाडले असून नवीन महिला ग्रामसेवक या ठिकाणी तात्पुरती पदभार देऊन वेळ काढून नेण्याचा प्रयत्न केला जात आहे.गावात झालेला भ्रष्टाचार लपवण्याचा यांचा डाव आहे. असे मत मातृभूमीशी बोलताना शंकर मुंगल, अनिल कल्याणे यांनी व्यक्त केले.}
कोणत्याही टिप्पण्या नाहीत:
टिप्पणी पोस्ट करा