मुदखेड तालुका / प्रतिनिधी
मुदखेड तालुक्यातील नागेली ,निवघा , रोहीपिंपळगाव,सह इतर गावात राहणारे आत्महत्या ग्रस्तांचे वारसदार यांना नाना पाटेकर व मकरंद अनासपुरे यांच्या नाम फाऊंडेशन कडुन पंचवीस हजार रूपये ची आर्थिक मदत करण्यांत आली .
दि.१० मार्च रोजी पंचायत समिती मुदखेड तहसील कार्यालयाच्या सभागृहात नाम चे केशव घोणसे पाटील यांच्या प्रमुख उपस्थितीत साधा कार्यक्रम घेऊन आत्महत्या केलेल्या च्या वारसदारांना धनादेश वाटप केले गेले.निवघा येथे आत्महत्या केलेले बाळकृष्ण बापुराव पवार यांच्या वारसदार श्रीमती वैशालीताई यांच्या घरी जाऊन नाम फाऊंडेशन कडुन पत्रकार केशव घोणसे पाटील यांनी पंचवीस हजार रूपये चा धनादेश दिला.
यावेळी भाऊराव चव्हाण सह. साखर कारखाण्याचे संचालक शिवाजीराव पवार , मुलीचे वडिल पांडुरंग भोसले, प्रा. अमृत जाधव हे उपस्थित होते.
या वेळी नाम चे मनोज कमटे , प्राध्यापक अमृत जाधव ,उद्योजक शिवानंद देवके , रूकमाजी शिंदे, दिनेश शर्मा, भगवान नागेलीकर ,साहेबराव हौसरे , अब्दुल रज्जाक आदी उपस्थित होते.
कोणत्याही टिप्पण्या नाहीत:
टिप्पणी पोस्ट करा