मुदखेड / तालुका प्रतिनिधी
दि.२५ रोजी जिल्हा आयोजन विधी सेवा प्राधिकरण नांदेड तथा विधी सेवा समिती यांच्या संयुक्त विद्यमानाने दिवाणी न्यायालय 'क' स्तरावर मुदखेड या ठिकाणी राष्ट्रीय लोक अदालतीचे आयोजन आज दि.२५ रोजी सकाळी१०:३० वाजता करण्यात आले आहे.
सदरील राष्ट्रीय लोक अदालतीमध्ये प्रलंबित तडजोड पात्र प्रकरणी १३८ एन. आय. ॲक्ट, कौटुंबिक हिंसाचार कायदा, पोटगीचे प्रकरणी इत्यादी प्रकरणे ठेवण्यात येणार आहेत तसेच न्यायालयात दाखल होण्यापूर्वी ची बँकेशी निगडीत थकबाकीची दाखल पूर्व प्रकरणे( स्टेट बँक ऑफ इंडिया, शाखा मुदखेड, स्टेट बँक ऑफ शाखा मुगट, स्टेट बँक ऑफ शाखा बारड) व पाणीपट्टी, घरपट्टी, विद्युत बिल इत्यादी (मुदखेड तालुक्यातील ग्रामपंचायत हद्दीतील) प्रकरणाचा सदरच्या राष्ट्रीय लोक अदालतीमध्ये समावेश होणार आहे तरी या द्वारे मुदखेड कार्यक्षेत्रातील सर्व जनतेने आवाहन करण्यात येते की आपण आपली प्रकरणे तडजोडीने राष्ट्रीय लोक अदालतीमध्ये ठेवावी असे आवाहन श्री सिद्धार्थ वी. ठोंबरे अध्यक्ष तालुका विधी सेवा समिती मुदखेड यांनी केली आहे.
तसेच जनतेनी आपली दाखल पूर्व प्रकरणे तडजोडीने मिटवण्या याकरिता बँकेची अथवा तालुका विधी सेवा समिती मुदखेड यास संपर्क करावा.
दिनांक २५ सप्टें २०२१ रोजी होणाऱ्या राष्ट्रीय लोक अदालतीमध्ये जास्तीत जास्त प्रकरणे ठेवून तडजोडीने मिटवावीत असे सांगण्यात आले आहे.
कोणत्याही टिप्पण्या नाहीत:
टिप्पणी पोस्ट करा