मुदखेड / तालुका प्रतिनिधी
मुदखेड तालुक्यातील मुगट पाटी येथील माध्यमिक आश्रम शाळा ही विविध वादग्रस्त विषयांसाठी चर्चेत असते. आता एका नवीनच विषयामुळे ही आश्रम शाळा पुन्हा एकदा चर्चेत आली आहे.
ती अशी या शाळेचे मुख्याध्यापक भगवान विठ्ठलराव ढेपे यांनी दि. ३१ डिसेंबर २००९ रोजी मुदखेड पोलीस स्टेशन मध्ये आरोपी अवधूत दौलतराव गोविंदवाड, बाबाराव दौलतराव गोविंदवाड, विठ्ठल उर्फ बाळू बालाजीराव मोरे राहणार ब्राह्मणवाडा ता.जि. नांदेड यांच्या विरोधात शासकीय काम करत असताना मारहाण करून जीवे मारण्याची धमकी व शासकीय कामात अडथळा निर्माण केला अशी फिर्याद मुदखेड पोलीस स्टेशनमध्ये नोंदवली होती.
त्यानंतर सदरील खटला हा जिल्हा सत्र न्यायालयात नांदेड येथे चालू होता.जिल्हा व सत्र न्यायाधीश एन.डी.खोसे यांच्या न्यायालयात हा खटला चालला. सदरील प्रकरणात सरकारी पक्षातर्फे ५ साक्षीदार तपासण्यात आले होते. तरी पण न्यायालयाने आरोपी नाव संशयाचा फायदा घेऊन आरोपीची दि.२६ऑगस्ट२०२१ रोजी या खटल्यातून निर्दोष मुक्तता करण्यात आली आहे.
सदर प्रकरणात आरोपीची बाजू वकील नंदकिशोर कल्याणे, वकील संतोष मगरे यांनी मांडली होती.
कोणत्याही टिप्पण्या नाहीत:
टिप्पणी पोस्ट करा