नांदेड मराठा समुहाचा पंचसूत्री कार्यक्रम ;
'मराठा हिताय, मराठा सुखाय'साठी प्रयत्नशील.
नांदेड जिल्हा/ प्रतिनिधी
दि. १ नोव्हेंबर रोजी हदगाव तालुक्यातील मानवाडी येथील हनुमान मंदिरात नांदेड मराठा समुहाची तालुका स्तरीय पहिली बैठक यशस्वीरीत्या संपन्न झाली.
शिक्षण, व्यवसाय, नौकरी, शेती आणि तातडीची मदत या पंचसूत्रीच्या माध्यमातून अल्पावधीतच सोशिअल मिडियावर लोकप्रिय झालेल्या 'नांदेड मराठा समुह' या फेसबुक ग्रुपची पहिली आढावा बैठक हदगाव तालुक्यात आयोजित केली होती.
छत्रपती शिवाजी महाराजांच्या प्रतीमेचे पुजन करून कार्यक्रमाला सुरूवात झाली. या कार्यक्रमाचे प्रास्ताविक श्री बाळासाहेब देशमुख यांनी केले. श्री कुनाल हंगरगे यांनी समुहाची ध्येय धोरणे समजावून सांगितले. श्री अविनाश गाढे, श्री शिवाजीराव किरकण, श्री अमोल नलावडे, श्री विजय ताठे यांनी समुहाच्या निर्विवाद वाटचालीची माहिती दिली. बैठकीच्या समरोपीय भाषणात समुहाचे मुख्य प्रबंधक श्री संतोष शिंदे पाटील यांनी भविष्यातील समुहाच्या वाटचालीची रुपरेषा मांडली.
बैठकीत डॉ. श्री लक्ष्मीकांत ठाकरे, राजकुमार भुसारे, दत्तराम माकने, श्री कदम सर, श्री दुधाटे सर, श्री पवार सर ईत्यादींनी मते मांडली. श्री कपील नरवाडे पाटील यांच्या पुढाकारातून आयोजित झालेल्या बैठकीत, कोरोना नियमांचे काटेकोर पालन करुन, मानवाडीच्या हनुमान मंदिरात समुहाच्या शेकडो सदस्यांनी समाजाच्या उत्थानासाठी राजकीय जोखड बाजूला सारुन, 'मराठा हिताय, मराठा सुखाय' या कार्यासाठी सदैव प्रयत्नशील राहू अशी भुमिका घेतली. सदस्यांचा उत्साह पाहून यानंतरच्या तालूकास्तरीय बैठकीचे आयोजन लवकरच होईल अशी अपेक्षा व्यक्त केली.या तालुका स्तरीय बैठकीसाठी प्रत्यक्ष, अप्रत्यक्ष पणे उपस्थित राहणाऱ्या मराठा बांधवांचे आभार श्री गोविंद दुगावे यांनी केले.
कोणत्याही टिप्पण्या नाहीत:
टिप्पणी पोस्ट करा