मुदखेड येथे जिल्हाधिकारी डॉ. विपीन इटनकर यांची भेट

वादग्रस्त पाण्याच्या टाकीचा प्रश्न अखेर जिल्हाधिकारी साहेब यांनी मिळवला ..!   

संपादक आशिष मुगटकर                           

वादग्रस्त जागेची पाहणी :- मुदखेड येथील  वादग्रस्त ठरलेल्या जलकुंभाच्या जागेची पाहणी करताना जिल्हाधिकारी डॉ. विपीन इटनकर, उपविभागीय अधिकारी राजेंद्र खंदारे, तहसीलदार दिनेश झांपले,न.प.मुख्यधिकारी.रामराजे, कापरे,नगराध्यक्ष मुजीब जहागिरदार , लोकप्रतिनिधी, नगरसेवक, पत्रकार या ठिकाणी उपस्थित होते.

मुदखेड/शहर प्रतिनिधी/ अतीक अहेमद

               मुदखेड शहर नगर पालिकेकडून मोंढा भागामध्ये नवीन जलकुंभ उभारण्यात येत असताना त्या कामास कृषी उत्पन्न बाजार समिती ने ब्रेक लावला होता. या मुदखेड नगर परिषद विरूद्ध कृ. उ. बा. समीती संघर्ष जिल्हाधिकारी डॉ. विपीन इटनकर यांनी प्रत्यक्ष वादग्रस्त जागेवर जाऊन मिटविला. 

            आता मुदखेड नगर परिषद पाणी पुरवठा विभागासाठी नवीन जलकुंभ उभारणीचा मार्ग मोकळा झाला आहे या  वादग्रस्त जागेवर जवळपास पन्नास वर्ष पूर्व बांधकाम करण्यात आलेली पाण्याची टाकी आहे येथून शहराच्या अनेक भागात मुदखेड नगर परिषद पाणी पुरवठा करते या ठीकाणी नवीन जवळपास चार लक्ष लीटर पाणी क्षमतेचे जलकुंभ उभारण्याचे येत होते या कामाला गुतेदाराने सुरूवात केल्यानंतर कृ. उ. बा. चे सभापती म्हैसाजी भांगे आणि संचालक मंडळाने रोक लावला होता. हा वाद आता जिल्हाधिकारी यांनी प्रत्यक्ष मुदखेड दौरा करूण वाद मिटवला. न.प.चे मुख्याधिकारी रामराजे कापरे यांना काम त्वरित पूर्ण करण्याचे आदेश दिले. 

               यावेळी उपविभागीय अधिकारी राजेन्द्र कंधारे, तालुका कांग्रेस अध्यक्ष तथा संचालक उद्धव पवार, नगरध्यक्ष मुजीब जहागीरदार, तहसिलदार दिनेश झंपले, नायब तहसीलदार संजय नागमवाड, कांग्रेस शहर अध्यक्ष तथा गट नेते माधव पाटील कदम, माजी उपाध्यक्ष तथा नगर सेवक करीम खाँ साब, नगर सेवक संजय आऊलवार, लेखापाल रामेश्वर वाघमारे, अनंत कुलकर्णी, पांडुरंग मोरे, नितीन चव्हाण, शेख इनुस, दिलीप पवार, ज्येष्ठ पत्रकार मनोज कमटे, मराठी पत्रकार संघाचे जिल्हा सह सचिव संजय कोलते,   मराठी पत्रकार संघाचे तालुकाध्यक्ष शेख जब्बार , माजी अध्यक्ष तालुका पत्रकार संघ ईश्वर पिन्नलवार,अतीक अहमद, नामदेव राहेरे     आदी उपस्थित होते. 

                     जिल्हाधिकारी इटनकर यांनी तहसील इमारती मध्ये प्रसाधनाची व्यवस्था कुठे आहे विचारल्यानंतर अनेकांनी मौन धारण करुण उत्तर देण्याचे टाळले यावरूण तालुक्याच्या मुख्य कार्यालयात नागरिकांना सोयी सुविधा नसल्याचे दिसले.